Ahmet Baıtursynulynyń 150 jyldyǵy ıÝNESKO-nyń halyqaralyq mereıtoılar tizimine kirdi
2021 jylǵy 23 qarasha 19:43

Ahmet Baıtursynulynyń 150 jyldyǵy ıÝNESKO-nyń halyqaralyq mereıtoılar tizimine kirdi

NUR-SULTAN. QazAqparat – Búgin ıÝNESKO-nyń 41-shi Bas konferentsııasynyń arnaıy qararymen 2022-2023 jyldarǵa arnalǵan halyqaralyq mereıtoılar tizimi qabyldanyp, oǵan Qazaqstannyń usynysymen tiltanýshy, ádebıetshi Ahmet Baıtursynulynyń 150 jyldyǵy jáne ánshi Roza Baǵlanovanyń 100 jyldyǵy endi, dep habarlaıdy QR SІM baspasóz qyzmeti.

Qazaqstannyń Frantsııadaǵy Elshisi jáne ıÝNESKO janyndaǵy Turaqty ókili Jan Ǵalıev Bas konferentsııaǵa usynystarymyzdy qoldaǵany úshin alǵys bildirip, múshe memleketterdi jáne Uıym hatshylyǵyn atalǵan mereıtoılar aıasynda elimizde jáne shetelde ótkizilýi josparlanyp otyrǵan is-sharalarǵa qatysýǵa shaqyrdy.

Jalpy, 2022-2023 jyldarǵa arnalǵan tizimge Uıymǵa múshe memleketter usynǵan 67 mereıtoı kirdi.

Budan basqa, Bas konferentsııa aıasynda jasyryn daýys berý nátıjeleri boıynsha Qazaqstan 2021-2025 jyldar kezeńine ıÝNESKO-nyń eki sýbsıdıarlyq organdarynyń, atap aıtqanda, Halyqaralyq gıdrologııalyq baǵdarlamanyń (HGB) jáne Kommýnıkatsııany damytýdyń halyqaralyq baǵdarlamasynyń (HBÚK) úkimetaralyq keńestiriniń quramyna saılandy. ıÝNESKO-ǵa múshe memleketter Qazaqstanǵa bildirgen senimi elimizdiń Uıym qyzmetine qosyp júrgen mazmundy úlesin taný bolyp tabylady.

Qazaqstan 1992 jyldyń 22 mamyrynan bastap Bilim, ǵylym jáne mádenıet Birikken Ulttar Uıymynyń (ıÝNESKO) tolyqqandy múshesi bolyp tabylady. Onymen yntymaqtastyǵymyzdy QR ıÝNESKO jáne ISESKO jónindegi Ulttyq komıssııasy úılestiredi. Memleketimiz uıym aıasyndaǵy 15 halyqaralyq konventsııanyń tarapy bolyp tabylady. Osy kúnge deıin derekti muranyń «Álem jady» halyqaralyq tizimine – 3, Dúnıejúzilik mura tizimine – 5, materıaldyq emes mádenı mura tizimine – 11, bıosferalyq rezervattar jelisine – 13, estelik datalar kúntizbesine 25 qazaqstandyq usynym engizildi. Elimizde ıÝNESKO-nyń 5 kafedrasy, 31 qaýymdastyrylǵan mektebi, 50-den astam klýby isteıdi.


Seriktester jańalyqtary

Jańalyqtar

Úrdis

MURAǴAT