Ahmet Baıtursynuly men Muhtar Áýezov atyndaǵy tósbelgi ǵalymdarǵa jyl saıyn beriledi
2022 jylǵy 28 maýsym 18:53

Ahmet Baıtursynuly men Muhtar Áýezov atyndaǵy tósbelgi ǵalymdarǵa jyl saıyn beriledi

NUR-SULTAN. QazAqparat - Qazaqstan Respýblıkasynyń Memlekettik keńesshisi Erlan Qarın TÚRKSOI halyqaralyq uıymynyń bas hatshysy Sultan Raevty qabyldady, dep habarlaıdy Aqorda.

Kezdesýde túrkitildes memleketter arasyndaǵy mádenı-gýmanıtarlyq baılanystardy odan ári damytý máselesi talqylandy.

Erlan Qarın elimizdiń rýhanııat salasynda atqarylyp jatqan jumystar jaıynda aıtty.

Sondaı-aq bıyl Ahmet Baıtursynulynyń 150 jyldyq jáne Muhtar Áýezovtiń 125 jyldyq mereıtoılary aıasynda júzege asqan is-sharalarǵa toqtaldy.

Memlekettik keńesshi aıtýly tulǵalardyń ataýly datalaryn TÚRKSOI sheńberinde ótkizýdiń qajet ekenin atap ótti.

Óz kezeginde Sultan Raev Ahmet Baıtursynuly men Muhtar Áýezovtiń mereıtoılaryn halyqaralyq uıym aıasynda atap ótýge qatysty jospar qurylǵanyn, sol boıynsha tıisti jumys júrgizilip jatqanyn jetkizdi.

Sonymen qatar tek túrki álemi sheńberindegi ǵana emes, halyqaralyq deńgeıdegi ǵalymdar men zertteýshilerge jyl saıyn beriletin Ahmet Baıtursynuly men Muhtar Áýezov atyndaǵy tósbelgi shyǵarylǵanyn aıtty.

Kezdesý sońynda taraptar jyl sońynda Ahmet Baıtursynulynyń 150 jyldyǵyna arnalǵan keń kólemdi is-shara uıymdastyratyn bolyp ýaǵdalasty.


Jańalyqtar

Úrdis

MURAǴAT