AHQO-da myńnan astam sheteldik IT mamandaryna kómek kórsetildi
2022 jylǵy 28 maýsym 12:17

AHQO-da myńnan astam sheteldik IT mamandaryna kómek kórsetildi

NUR-SULTAN. QazAqparat – Astana halyqaralyq qarjy ortalyǵynyń (AHQO) Ekspat ortalyǵynda «bir tereze» qaǵıdatymen sheteldik IT-mamandar úshin arnaıy qyzmet iske qosyldy. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«ІT-ekojúıesin damytýdyń mańyzdy bóligi – adamı kapıtal. Memleket basshysy 2025 jylǵa qaraı keminde 100 myń bilikti IT- mamanyn daıarlaý mindetin qoıdy. Ótken jyldyń sońyna deıin 22 myńnan astam IT-maman daıyndaldy», - dedi B. Mýsın Úkimettiń búgingi otyrysynda.

Mınıstrdiń aıtýynsha, el óńirlerinde 3 IT-tehnopark ashyldy. 2021 jyly 7 jekemenshik ınnovatsııalyq IT-mektebi ashyldy. Osy jyly jańa 4 mektep ashyldy.

«Joǵary oqý oryndarynda ІT biliminiń sapasyn arttyrý úshin 14 ІT fakýltetterin profıldik IT-ýnıversıtettermen ıntegratsııalaý júrgizildi. IT-eksport sońǵy eki jylda 2 ese ósimdi kórsetti. Ótken jyly IT naryǵy 3,6 mlrd AQSh dollaryn qurady. Elimizge sheteldik IT-kompanııalardy kóshirý boıynsha úlken jumys júrgizilýde. Qazirdiń ózinde aıtarlyqtaı nátıje bar, bul baǵyttaǵy jumys óz jalǵasyn tabady. AHQO Ekspat ortalyǵynda «bir tereze» qaǵıdatymen sheteldik IT-mamandar úshin arnaıy qyzmet iske qosyldy. Búginde myńnan astam IT mamanyna kómek kórsetildi», - dedi Baǵdat Mýsın.


Seriktester jańalyqtary

Jańalyqtar

Úrdis

MURAǴAT