Jańalyqtar  >
  Sport

Aǵylshyn fýtboly óz tarıhyndaǵy eń qymbat oıynshyny satyp aldy

2023 jylǵy 1 aqpan, 11:18
Aǵylshyn fýtboly óz tarıhyndaǵy eń qymbat oıynshyny satyp aldy

ASTANA. QazAqparat – Aǵylshynnyń «Chelsı» klýby argentınalyq Entso Fernandesti Aǵylshyn premer-lıgasy (APL) tarıhyndaǵy eń qymbat baǵaǵa satyp aldy, dep habarlaıdy QazAqparat tilshisi.

Shampionat.com saıtynan alynǵan málimetke qaraǵanda, atalmysh klýb fýtbolshy úshin «Benfıkaǵa» 121 mln eýro tóleıdi.

Buǵan deıin rekord Djek Grılısh transferine tıesili edi. Ony «Manchester Sıtı» «Aston Vılladan» 100 mln eýroǵa satyp alǵan bolatyn.

Entso – «Chelsı» sapyna qańtarda qosylǵan segizinshi oıynshy.

Entso Fernandes Portýgalııanyń «Benfıka» klýbynda 2022 jyldyń shildesinen beri dop tepti. Bıylǵy maýsymda barlyq jarystaǵy 29 matchta argentınalyq oıynshy 4 gol soǵyp, 7 nátıjeli pas berdi.

E.Fernandestiń Qatarda ótken 2022 jylǵy álem chempıonatynyń «Úzdik jas oıynshysy» atanǵany belgili.

«Chelsı» APL týrnır kestesinde 10-orynda keledi. Grem Potterdiń shákirtteri 8 oıynda jeńiske jetip, 5 kezdesýdi teń aıaqtap, 29 upaı jınady.

Londondyq komanda 3 aqpan kúni óz alańynda «Fýlhemdi» qabyldaıdy.

Eske sala keteıik, budan buryn Kılıan Mbappeniń Frantsııa chempıonatynda aıdyń úzdik oıynshysy atanǵanyn jazǵan bolatynbyz.

Foto: GOLÝBOVICh DMITRII, «ChEMPIONAT»


Uqsas jańalyqtar
Tegı:
Seriktester jańalyqtary

Jańalyqtar