+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Agrosala bir jylda 53,8 mlrd teńge jeńildetilgen nesıe aldy

2019 jylǵy 7 maýsym 10:46
Bólisińiz:
Agrosala bir jylda 53,8 mlrd teńge jeńildetilgen nesıe aldy

NUR-SULTAN. QazAqparat - Bıyl «Aýyl sharýashylyǵyn qarjylaı qoldaý qory» AQ 60 mlrd teńgege jýyq nesıe berýdi josparlap otyr. Onyń ishinde Nátıjeli jumyspen qamtýdy jáne jappaı kásipkerlikti damytý baǵdarlamasyna 27,5 mlrd teńge qarastyrylǵan, dep habarlaıdy QazAqparat.

Aıta keteıik, «Nátıjeli jumyspen qamtýdy jáne jappaı kásipkerlikti damytýdyń» memlekettik baǵdarlamasy aıasynda «Igilik», «Yntymaq», «Kásipker», «Birlik» jáne «Eginjaı» nesıe ónimderi, Agroónerkásip keshenin damytý memlekettik baǵdarlamasy aıasynda - «Yrys» jáne «Sybaǵa» nesıelik baǵdarlamalary qarjylandyrylady.

«Qazirgi ýaqytta qordyń oblys ortalyqtaryndaǵy, sondaı-aq Nur-Sultan, Almaty, Semeı qalalarynda jumys isteıtin barlyq fılıaldarda «Nátıjeli jumyspen qamtýdy jáne jappaı kásipkerlikti damytý» baǵdarlamasy aıasynda ótinimder qabyldap, nesıe berip jatyr. Baǵdarlama boıynsha nesıeler túrli maqsattarǵa jyldyq 6% syıaqy mólsherlemesimen beriledi, jyldyq tıimdi syıaqy mólsherlemesi 6,7% aspaıdy. Qor óziniń nesıelik ónimderiniń kómegimen aýyl turǵyndary men aýyl sharýashylyǵy taýarlaryn óndirýshilerdiń jobalaryn túrli maqsatty baǵyttar boıynsha qarjylandyrady. Mysaly, «Igilik» baǵdarlamasy boıynsha iri qara mal, usaq mal, jylqy, túıe, qustar, bal aralaryn satyp alý qarastyrylǵan bolsa, «Birlik» baǵdarlamasy boıynsha sút qabyldaý pýnktterine arnalǵan jabdyqtar satyp alynady. «Kásipker» aýyldaǵy barlyq bıznes túrlerin damytýǵa baǵyttalǵan», - deıdi «Aýyl sharýashylyǵyn qarjylaı qoldaý qory» AQ Basqarma tóraǵasy Jandar Omarov.

Málim etilgendeı, qor jylyna 10 myńnan astam kásipkerdi qarjylandyrady. Sonyń 80% jýyǵy startap-jobalar.

«Qor shaǵyn nesıe berýdi bastaǵannan beri aýyl turǵyndary men aýyl sharýashylyǵy taýaryn óndirýshilerge 280 mlrd teńgege jýyq qarjy berdik. Bul 150 myń nesıe degen sóz. Negizinen bular shaǵyn bızneske berildi. ıAǵnı, jeke qosalqy sharýashylyqtar men fermerlik qojalyqtar. Bank sektorymen salystyratyn bolsaq, bul segmentte qor kóshbasshy dep aıta alamyz. Mysaly, statıstıka boıynsha ekinshi deńgeıli bankter aýyl sharýashylyǵy salasyna 490 mlrd teńge baǵyttaǵan bolsa, sonyń tek 14,7 mlrd teńgesi jeke tulǵalarǵa berilgen. Al Aýyl sharýashylyǵyn qarjylaı qoldaý qory bir jyldyń ishinde 53,8 mlrd teńgeniń nesıesin bergen. Sondaı-aq, qordyń sharttary nesıe alýshylar úshin óte qolaıly. Bizdiń baǵdarlamalar boıynsha jyldyq ortasha syıaqy stavkasy 6%. Al, bankterde 10-16%», - deıdi «Aýyl sharýashylyǵyn qarjylaı qoldaý qory» AQ Nesıelendirý departamentiniń dırektory Gerrard Baal.

Aýyl turǵyndary barlyq týyndaǵan másele boıynsha aýdandyq jumyspen qamtý ortalyǵy, Kásipkerler palatasynyń aýdandyq fılıaly, oblys ortalyǵynda ornalasqan qor fılıaly qyzmetkerlerinen keńes ala alady. Sonymen qatar, suraqtar boıynsha 8 800 080 35 05 nómirinde tikeleı jeli jumys isteıdi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT