+7 (701) 759 90 19
USD 384.63 EUR 427.98
RUB 6.08 CNY 54.68

Agenttik týraly

QAZAQPARAT - Halyqaralyq dárejege ıe bolǵan Qazaqstandaǵy alǵashqy aqparattyq agenttik.

Medıa-agenttik 95 jyldan astam ýaqyt boıy saıasat, ekonomıka, bilim berý, densaýlyq saqtaý, sport, mádenıet jáne qoǵamnyń ózge de tynys tirshiligi týraly jedel ári senimdi aqparat taratyp keledi. 
QazAqparat arqyly Prezıdent Ákimshiligi, Parlament, Úkimet, óńirlik bılik organdary, ulttyq qarjylyq jáne óndiristik qurylymdardyń qyzmeti jóninde resmı habar taratylady.
Agenttik qazaq, orys, aǵylshyn jáne qytaı tilderinde habar taratady. Kırıllıtsany oqı almaıtyn shetelde turatyn qandastarymyz úshin qazaqsha jańalyqtar latyn grafıkasy men arabsha tóte jazýǵa aýdarylady.

Agenttiktiń ortalyq keńsesi Qazaqstannyń elordasy Astana qalasynda ornalasqan. Eldiń qarjylyq jáne mádenı ortalyǵy Almatyda onyń fılıaly - tilshiler bıýrosy bar.
QazAqparatta ózge otandyq aqparattyq agenttikterde joq tilshiler jelisi bar. Eldiń barlyq aımaqtarynda 15 tilshiler pýnkti ornalasqan. Onyń ishine Baıqońyr da kiredi. Reseı, Qytaı, Túrkııa, BAÁ, Belgııa, Ázirbaıjan, Ózbekstan, Qyrǵyzstan elderinde menshikti tilshileri bar. Bul elimizde jáne álemde bolyp jatqan jańalyqtardy on-line rejımde jedel ári shynaıy taratýǵa múmkindik beredi.

Búginde qazaqstandyq jańalyq taratatyn ınternet-resýrstar arasynda QazAqparat Úzdik ondyqtyń qatarynda. www.inform.kz portalyn paıdalanýshylardyń geografııasy 229 eldi qamtıdy. Portaldyń táýlik ishindegi oqylym sany orta eseppen 45 000-dy quraıdy. Búgingi tańda QazAqparat áleýmettik jelilerde belsendi jumys júrgizedi. Facebook, Moı mır, VKontakte, Twitter, Odnoklassnıkı, Google+, SenKazakh, Instagram, Linkedin, Imgur, MySpace, Yvision, Kazah.ru. áleýmettik jelilerindegi arnalar men paraqshalaryna jazylýshylardyń jıyntyq sany 80 000 adamnan asyp túsedi.
Jýrnalıstıka salasynyń úzdik dástúriniń saqtalýy, sapaly kontent óndirý, tehnologııalyq bazany jaqsartý jáne kásibı toptyń rettelgen jumysy agenttik qyzmetiniń joǵary nátıjelerine qol jetkizýine sep boldy. QazAqparat ujymy - bul belgili tele- jáne radıojýrnalıster, Qazaqstan Respýblıkasy Prezıdenti syılyǵynyń laýreattary, halyqaralyq jáne aımaqtyq konkýrstardyń jeńimpazdary, qurmet ataqtary men syılyqtarynyń ıegerleri.
2015 jyldyń jeltoqsan aıynda Agenttik ISO 9001:2008 standarty talaptary boıynsha sapa menedjmenti júıesinen sertıfıkattaýdan ótti. 

Seriktester

QazAqparat - OANA Halyqaralyq aqparattyq agenttikter qaýymdastyǵynyń (Tynyq muhıty jáne Azııa elderi aqparattyq agenttikteriniń uıymy), TMD elderindegi ulttyq aqparattyq agenttikterdiń qaýymdastyǵynyń (UAAQ), Túrki tildes elderdegi aqparattyq agenttikter uıymynyń (TKA), TÚRKІSOI halyqaralyq uıymynyń, orys baspasóziniń búkilálemdik qaýymdastyǵynyń múshesi.
Medıa-agenttiktiń seriktesteri - ITAR-TASS, KABAR, BelTA, ÝkrInform, «NOVOSTI - MOLDOVA» aqparattyq agenttigi, MOLDPRES, Armenpress, AzárTAc, Yonhap, EFE, BTA jáne t.b.

Tarıh betteri

1920 jyl - Alǵashqy qazaqstandyq aqparattyq agenttiktiń «ROSTA»-nyń Orynbor-Torǵaı bólimshesi negizinde quryldy.

1925 jyl - Agenttik ataýynyń QazROST bolyp ózgerdi.

1937 jyl - QazTAG degen atpen Qazaq KSR Mınıstrler Keńesiniń qaraýyna berildi.

1997 jyl - «Qazaq aqparat agenttigi (QazAAG)» respýblıkalyq qazynalyq kásiporny bolyp ózgertildi.

2002 jyl - QazAAG negizinde «Qazaq aqparat agenttigi» Ulttyq kompanııasy («QazAqparat» UK) quryldy.

2008 jyl - «QazAqparat» UK» AQ «Arna Medıa» Ulttyq aqparattyq holdıngi» aktsıonerlik qoǵamynyń quramyna kirdi.

2013 jyly «QazAqparat» halyqaralyq aqparat agenttigi bolyp quryldy.


Bizdiń basshylarymyz bolǵandar:

VıATICh-KIRILLOV Arkadıı Ivanovıch - QazTAG-tyń alǵashqy basshylarynyń biri.

ShÁRІPOV Qasym - jazýshy, memleket jáne qoǵam qaıratkeri.

QAZYBAEV Kákimjan - jazýshy, memleket jáne qoǵam qaıratkeri.

YSMAǴULOV Jumaǵalı - professor, fılologııa ǵylymdarynyń doktory, Qazaqstan Ǵylym akademııasynyń akademıgi.

AHMETÁLІMOV Amangeldi - eńbegi sińgen mádenıet qyzmetkeri, qoǵam qaıratkeri.

ÁRENOV Murat - Parlamenttiń aqparattyq-saraptamalyq ortalyǵyn qurý ıdeıasynyń avtory.

ShALAHMETOV Ǵadilbek - «Mır» memleketaralyq teleradıokompanııasynyń negizin qalaýshy, halyqaralyq jýrnalıstıka akademıgi.

OMAROV Janaı Seıitjanuly - memleket jáne qoǵam qaıratkeri.

 

1) Aqparat agenttiginiń ataýy: «QazAqparat» Halyqaralyq aqparattyq agenttigi» jaýapkershiligi shekteýli seriktestigi 

2) Aqparat agenttiginiń nemese jelilik basylymnyń menshik ıesiniń ataýy: «Qazaqstan»  Respýblıkalyq Teleradıokorporatsııasy» aktsıonerlik qoǵamy

3) Esepke alý týraly kýáliktiń nómiri men datasy jáne kýálikti bergen organnyń ataýy: № 14064-IA, 27.12.2013 jyl, Qazaqstan Respýblıkasynyń Mádenıet jáne aqparat mınıstrliginiń aqparat jáne muraǵat komıteti

4) redaktsııanyń baılanys málimetteri (poshtalyq mekenjaıy, telefon nómiri, elektrondyq poshta adresi): Astana, Orynbor kóshesi, 4 úı, tel.: +7(7172) 95-40-50, email: info@inform.kz


MURAǴAT