Agenttik kúmándi qarjy pıramıdalarynyń tizimin jarııalady
2022 jylǵy 1 shilde 15:51

Agenttik kúmándi qarjy pıramıdalarynyń tizimin jarııalady

NUR-SULTAN. QazAqparat - Qarjy naryǵyn retteý jáne damytý agenttigi josyqsyz qyzmet belgileri bar uıymdardyń tizimin jarııalady, dep habarlaıdy QazAqparat.

Mundaı uıymdardyń óz betinshe jáne deldaldardy tarta otyryp, nemese joǵary tabys tóleýge ýáde bere otyryp, olardyń atynan basqa adamdar áreket etetin aqsha tartý jónindegi qyzmet belgileri bolady.

Tizim jeke jáne zańdy tulǵalardyń ótinish-shaǵymdaryn qaraý, memlekettik organdarmen jáne azamattyq qoǵam ınstıtýttaryn bildiretin qoǵamdyq uıymdarmen ózara is-qımyl negizinde jasalǵan.

Qazirgi ýaqytta tizimge 154 sýbekt kiredi.

Tizimdegi sýbektilerdiń qyzmeti qarjylyq lıtsenzııalaý jáne retteý aıasynan tys.

Tıisinshe, klıentterdiń olarǵa kórsetiletin qarjylyq qyzmetter boıynsha quqyqtary zańnamalyq turǵydan qorǵalmaǵan.

Osyǵan baılanysty agenttiktiń tiziminde kórsetilgen tulǵalarmen qarjylyq operatsııalar jasaý Qazaqstan azamattary úshin salynǵan qarajattan aıyrylý qaýpine alyp kelýi múmkin.

Tizimdi jarııalaý qoldanystaǵy alaıaqtyq shemalar men jalǵan aktıvter týraly halyqtyń habardar bolýyn arttyrýǵa, tutynýshylarǵa osyndaı kompanııalarǵa salymdar boıynsha shyǵyn alýdyń joǵary táýekeli týraly ýaqtyly eskertýge, osylaısha aldanyp qalý yqtımaldyǵyn boldyrmaýǵa múmkindik beredi.


Seriktester jańalyqtary

Jańalyqtar

Úrdis

MURAǴAT