+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Aǵa krımınalıst Uljan Orazalıeva: Qylmysty ashý úshin «qıyn jumbaqty» sheshýge týra keledi

2021 jylǵy 7 mamyr 22:50
Bólisińiz:
Aǵa krımınalıst Uljan Orazalıeva: Qylmysty ashý úshin «qıyn jumbaqty» sheshýge týra keledi

ATYRAÝ. QazAqparat – Atyraýda polıtsııa qatarynda qyzmet etetin qyz-kelinshekter az emes. Sonyń biri – qalalyq polıtsııa basqarmasy jedel krımınalıstıka tobynyń aǵa krımınalısi Uljan Orazalıeva. Uljan QazAqparat tilshisine tańdaǵan mamandyǵy, atqaratyn qyzmeti týraly aıtyp berdi.

Uqsas jańalyqtar
Pedofıldi ustaý úshin 13-qabattan sekirgen almatylyq «Jyl polıtseıi» atandy Aqmolada jol apatynan qaza tapqan polıtseılerge monýment ornatyldy Atyraýdyń Taısoıǵan aýylynda 1 jyl boıy bir de bir qylmys tirkelmegen

Ol polıtsııa qyzmetkeri bolýdy 7-synyptan bastap armandaǵany.

«Mektepte oqyp júrgendegi armanym – polıtsııa qyzmetkeri bolý. Mekteptiń 7-synypta oqıtyn kezim edi. Teledıdardan pogon taqqan qyzdar týraly habardy kórip otyryp, qatty qyzyqtym. Alaıda, ata-anam polıtsııa qyzmetiniń qyzdar úshin qıyn jumys ekenin aıtyp, basqa mamandyq tańdaýǵa úgittedi» -deıdi Uljan Orazalıeva.

Maqsatyna jetýdi kózdegen ójet qyz 2012 jyly QR Іshki ister mınıstrliginiń Almaty akademııasyna qujat tapsyrǵan.

«Akademııaǵa oqýǵa túskende krımınalıst mamandyǵyn tańdadym. Osy mamandyqtyń ózgeshiligi, ǵylymnyń ár túrli salasyn bilip, udaıy izdeniske toly qyzmeti qyzyqtyrdy. Al, qylmysty ashý úshin krımınalıst mańyzdy ról atqarady. Óıtkeni, ol jedel-tergeý tobynda tergeýshiden keıingi ekinshi orynda turady. Qylmys bolǵan orynǵa barǵan krımınalıst-sarapshy qylmys jasaǵan kúdikti týraly aqparattar jınaý úshin saǵattar boıy ár zattan saýsaq, aıaq kıim izderin shuqshııa izdeıdi. Ony tappaı tynshymaıdy. Oqıǵa ornynda qalǵan mata qıyndysy, túıme, kez-kelgen qaǵaz qaldyǵyn shashaý shyǵarmaı jınap alady. Daktıloskopııalyq plenkaǵa iz qaldyrady» -deıdi aǵa krımınalıst.

Uljan Orazalıeva ishki ister organdaryndaǵy eńbek jolyn Maqat aýdandyq polıtsııa bóliminde krımınalıst bolyp bastaǵan. Atqaratyn qyzmetintiń qyr-syryn tálimgeri bolǵan aǵa krımınalıst, polıtsııa maıory Jasqaırat Qaldybaevtan úırengen.

«Maqat aýdanynda 2017 jyly páter urlyǵy boldy. Jedel tergeý tobynyń quramynda oqıǵa ornyna men de bardym. Oqıǵa ornyn qaraý kezinde birneshe saýsaq, aıaq izi alyndy. Daktıloskopııalyq saraptama qorytyndysymen alynǵan iz ishki ister organdarynda esepte turatyn azamattyń izine sáıkes keldi. Tergep-tekserýler nátıjesinde onyń qylmysqa qatysy dáleldenip, is sotqa jiberildi. Osylaısha, qylmystyń izi sýymaı ashylýyna krımınalıst maman retinde óz úlesimdi qosqanyma qýandym» -deıdi polıtsııa qyzmetkeri.

Taǵy birde dúken urlyǵyn ashýǵa qatysqan. Urlyq jasalǵan orynnan kóp iz tabylǵan.

«Sonyń ishinen áıeldiń kıim-keshekteri men opa-dalaptarynan alynǵan izder kúdik týdyrdy. Kóp uzamaı, qylmys jasaǵan azamatsha ustaldy. Kúdikti tergeý kezinde qylmys jasaǵayn moıyndady. Jalpy, kúndelikti jumys kezinde krımınalısterge qylmysty ashýǵa kómektesetin «qıyn jumbaqtardy» sheshýge týra keledi. Al, bul ońaı emes. Sondyqtan, krımınalıster ǵylymdaǵy sońǵy jańalyqtarǵa den qoıyp, oqý-bilimdi árkez jetildirip otyrady» -dep mamandyǵyna qatysty oıymen bólisti Uljan Orazalıeva.

Óz isin jetik biletin aǵa krımınalıst bıylǵy jyl basynan beri 200-den asta oqıǵa ornyna barǵan. Oqıǵa ornynda 100-den astam zertteý júrgizip, ondaǵan qylmystyń ashylýyna tikeleı septigin tıgizgen. Sondaı-aq, birneshe ret tergeý is-áreketine maman retinde qatysqan.

«Іshki ister organdarynda qyzmet atqaryp, krımınalıst mamandyǵyn tańdaǵanyma esh ókinbeımin. Óıtkeni, krımınalıst – kúrdeli ári erekshe mamandyq. Qazir mende bir ǵana maqsat bar. Bul – oblystyq polıtsııa departamenti jedel krımınalıstıka basqarmasy bastyǵynyń orynbasary, polıtsııa polkovnıgi Nıkolaı Mıhaılovskıı sekildi óz isin jetik meńgergen isker maman bolý», -deıdi ol.

Tabandylyǵymen, izdenimpazdyǵymen áriptesteriniń qurmetine bólenip, maqtanyshyna aınalǵan krımınalıst qyz qyzmetten tys ýaqytyn bos ótkizbeıdi.

Sportpen aınalysyp, kitap oqyǵandy unatady.

Al, demalysy kezinde ata-anasyna kómektesip, qonaq shaqyryp, dastarhan mázirin daıyndaǵandy jaqsy kóredi.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT