Afrıkanyń ońtústik-shyǵysynda tropıkalyq daýyl 46 adamnyń ómirin qıdy
2022 jylǵy 26 qańtar 07:11

Afrıkanyń ońtústik-shyǵysynda tropıkalyq daýyl 46 adamnyń ómirin qıdy

PRETORIıA. QazAqparat - Madagaskar, Mozambık jáne Malavıde sońǵy tórt kúnde «Ana» tropıkalyq daýyly saldarynan kem degende 46 adam qaza tapty. Bul týraly QazAqparat Agence France-Presse (AFP) agenttigine silteme jasap habarlaıdy.

22 qańtarda Madagaskarda daýyl soǵyp, sý tasqyny men kóshkinniń saldarynan 39 adam mert boldy, 65 myń adam baspanasyz qaldy. Ótken dúısenbide daýyl Mozambıktiń ortalyq aımaqtaryna jetken. Aldyn ala málimet boıynsha, bul óńirde úsh adam qaza taýyp, 49 adam jaraqat alǵan. Al Malavıde daýyl saldarynan bolǵan sý tasqyny eldiń kóp bóligin jaryqsyz qaldyryp, tórt adamnyń ómirin qıyp ketti.


Jańalyqtar

MURAǴAT