+7 (701) 759 90 19 Lenta
USD 385.16 EUR 425.95
RUB 6.01 CNY 54.51
Jańalyqtar

Afınada Abaı shyǵarmalary oqyldy

2019 jylǵy 26 tamyz 15:35
Bólisińiz:
Afınada Abaı shyǵarmalary oqyldy

AFINA. QazAqparat - Afınada Kitaphanalyq qaýymdastyqtar men mekemeleri halyqaralyq federatsııasynyń 85-shi Konferentsııasy sheńberinde QR Ulttyq kitaphanasy men QR Grekııadaǵy Elshiliginiń uıymdastyrýymen «Abai - Uly Dalanyń aqyny» atty ádebı kesh ótti, dep habarlaıdy QazAqparat elshilikke silteme jasap.

Uqsas jańalyqtar
Ál-Farabı men Abaıdyń mereıtoıynda ysyrapshyldyqqa jol berilmeýi kerek - Memleket basshysy #Abai175: Olga Rypakova Abaı shyǵarmasyn oqydy ShQO-da aqyn Abaıdyń taǵy bir eskertkishi ashylady

Іs-sharaǵa Grekııanyń bedeldi akademııalyq, iskerlik ókilderi, jáne de grekııalyq qoǵam jáne mádenı qaıratkerlerinen qurylǵan Qazaqstannyń kóptegen dostary qatysty. Sonymen qatar, qonaqtar qatarynda dıplomatııalyq mıssııalar men halyqaralyq uıymdar basshylary, jýrnalıster, burynǵy otandastarymyz ben qazaq dıasporasynyń ókilderi at salysty.

Ádebı keshte sóz bastaǵan Qazaqstannyń Grekııadaǵy Elshisi Alekseı Volkov QR Prezıdenti Qasym-Jomart Toqaevtyń 30 mamyrda halqymyzdyń uly oıshyly men aǵartýshysy Abaı Qunanbaıulynyń 175-jyldyǵyn 2020 jylda atap ótý týraly tıisti Jarlyqqa qol qoıǵanyn aıtty. Ol Hákim Abaıdyń shyǵarmashylyǵyna grekııalyq oıshylardyń rýhtandyratyn zor yqpaly tıgendigine oraı, is-shara grekııalyq uly fılosoftardyń otanynda ótýi asa sımvolıkalyq mánge ıe ekendigin sózine tıek etti. Osy oraıda, Elshi Abaıdyń 27-shi qara sózi – «Sokrat hákimniń sózi» dep atalatyndyǵyn erekshe atap ótti.



Іs-shara barysynda otandyq elshi Qazaqstan men Grekııanyń Ulttyq kitaphanalary basshylaryna QR Elshiligi pen «MM Publication» grekııalyq kompanııasynyń ortaq týyndysy «Qazaqstannyń Ulttyq kitaphanasyndaǵy grek tilindegi kitaptar katalogyn» syıǵa tartty. Bul taqyryptyq katalog Qazaqstan men Ortalyq Azııadaǵy eń úlken kitaphanalarynyń birinde saqtalǵan grek tilindegi kitaptardyń júıelendirilgen biregeı jınaǵy bolyp tabylady. Otandyq dıplomat basylym ishindegi kóptegen eńbekter tuńǵysh katalogqa engizilýine oraı, erekshe ǵylymı qundylyqqa ıe ekendigine toqtaldy.

Óz kezeginde, QR Ulttyq kitaphanasynyń dırektory Baqytjamal Ospanova QR Elshiligi men grekııalyq tarapty ádebı keshti ótkizýge qolǵabys kórsetkenderi úshin alǵys bildirip, qatarynda Abaı týraly 1909 jyly tuńǵysh jaryq kórgen kitaptyń kóshirmesi men aqynnyń shet el tilderinde basylyp shyǵarylǵan zamanaýı basylymdardan qurylǵan kollektsııalyq jınaqty tabystady.

Ádebı keshtiń aıaǵynda Grekııany Qazaqstanmen odan ári tanystyrý maqsatymen otandasymyz Igor Toıkınniń oryndaýynda Abaı ánderi shyrqalyp, uly aqynymyzdyń eńbekteriniń kishigirim kórmesi uıymdastyryldy.



Bizdiń kanalymyzǵa jazylyńyz:

Basty sózder: QR SІM, #Abai175,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT