+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Ádilhan Makın ózin Dımashpen salystyratyndarǵa jaýap berdi

2019 jylǵy 17 shilde 13:26
Bólisińiz:
Ádilhan Makın ózin Dımashpen salystyratyndarǵa jaýap berdi

NUR-SULTAN. QazAqparat - «Slavıan bazary-2019» halyqaralyq festıvaliniń Gran-prı ıegeri Ádilhan Makın tanymal ánshi Dımash Qudaıbergenmen qarym-qatynasy týraly aıtyp berdi, dep habarlaıdy QazAqparat tilshisi.

Uqsas jańalyqtar
Abaıdyń ánin shyrqaǵan Ádilhan Makın «Slavıan bazarynda» 1-oryndy saqtap qaldy

Ánshi ózin Dımashpen salystyratyndarǵa jaýap berdi. Onyń aıtýynsha, qos daryn 2012 jyly «Jas qanat» baıqaýyna birge qatysqan.

«Dımash - meniń dosym, baýyrym, qurdasym. 2012 jyly ekeýmiz «Jas qanat» baıqaýyna qatystyq. Sol kezde Dımash jeńgen. Dımashqa qarap, meniń de boıymda talpynys paıda boldy. Dımash maǵan kúsh berdi, kóp jaǵdaıda kómektesti. Onymen tanysyp, sóılesýdiń ózi bir ǵanıbet», - dedi Ádilhan jýrnalısterge bergen suhbatynda.

«Dımash jeńisińmen quttyqtady ma?» degen suraqqa Ádilhan ázirge telefonyn qospaǵanyn aıtty.

«Telefonymda baılanys bolmady, áli qosyp úlgermedim. Dımashpen áli talaı jolyǵamyz dep oılaımyn. Toqtaýsyz eńbek etýdi toqtatpaımyn. Elimizdi odan da úlken sahnalarda kórsetip, úmitin aqtaǵym keledi», - dedi Á. Makın.

Ádilhan Makın 1994 jyly 5 qazanda Petropavl qalasynda dúnıege kelgen. Bala kezinen án aıtyp, túrli baıqaýlarǵa qatysqan. 2011 jyly astanadaǵy Qazaq ulttyq óner ýnıversıtetinde «Akterlik sheberlik» mamandyǵy boıynsha oqı bastady.

2012 jyly «Jas qanat» ánshiler baıqaýynyń fınalısi atandy. 2013 jyly «Shabyt» halyqaralyq baıqaýynyń ІІ orynyn ıelengen. 2014 jyly «Qazaqstan daýysy» ulttyq baıqaýyna qatysqan. 2016 jyly Ádilhan T. Júrgenov atyndaǵy Qazaq ulttyq óner akademııasyna «Estrada vokaly» mamandyǵyna túsken.

Aıta keteıik, QR Mádenıet jáne sport mınıstri Aqtoty Raıymqulova halyqaralyq baıqaýlarda júldeger atanǵan jas qazaqstandyqtarmen kezdesti. Kezdesýge «Slavıan bazary - 2019» konkýrsynyń jeńimpazy Ádilhan Makın men Ýkraınada ótken «Molodaıa gılıchına-2019» halyqaralyq án baıqaýynyń bas júldesin alǵan Qýanysh Erzatuly jáne І oryn júldegerleri Mereke Kenjeǵul men «Qazaq qyzdary» trıosy keldi.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT