Ádiletsizdik jaılaǵan memleket qurdymǵa ketedi – Memleket basshysy
2022 jylǵy 23 maýsym 16:32

Ádiletsizdik jaılaǵan memleket qurdymǵa ketedi – Memleket basshysy

NUR-SULTAN. QazAqparat – Polıtsııanyń servıstik modelin qalyptastyrýda halyqpen tyǵyz jumys isteıtin salalarǵa basymdy berýilýi kerek. Prezıdent Qasym-Jomart Toqaev Qazaqstan polıtsııasynyń 30 jyldyǵyna arnalǵan saltanatty jıynda osyndaı pikir bildirdi, dep habarlaıdy QazAqparat tilshisi.

«El ishine irtki salatyn jat ıdeologııalar qoǵamǵa qater tóndiredi. Ókinishke qaraı, áleýmettik jelide jurtty zań buzýǵa ıtermeleıtin aǵymdar óte kóp. Olardyń jolyn kesý úshin basqa da quzyrly organdarmen birlesip jumys atqarý kerek», - dedi Prezıdent.

Ol úshin qoǵamdyq uıymdarmen tyǵyz qarym-qatynas ornatqan abzal ekeni de aıtyldy.

«Búkil quqyq qorǵaý júıesiniń basty mindeti – zańnamanyń múltiksiz oryndalýyn qamtamasyz etý. Sol maqsatpen byltyr elimizde qylmystyq protsestiń úsh býyndy úlgisi engizildi. Bul qadam azamattardyń konstıtýtsııalyq quqyqtaryn tıimdi qorǵaýǵa múmkindik beredi. Іsterdi tergeý sapasyn arttyrady. Sondaı-aq, zań normalary durys qoldanylatyn bolady. Biraq, Jańa, Ádiletti Qazaqstandy qurý úshin qylmystyq protsesti odan ári jetildirý qajet. Sot tóreligi ashyq ári qoljetimdi bolýǵa tıis. Ádiletsizdik jaılaǵan memleket qurdymǵa ketetinin jaqsy bilesizder. Bárine birdeı, ádil ári túsinikti zańnamasy bar el ǵana myqty bolady. Biz barlyq azamatqa teń múmkindik beretin qoǵam qurýymyz kerek», - dedi Memleket basshysy.

Aıta keteıik, búgin Memleket basshysy Qazaqstan polıtsııasynyń 30 jyldyǵyna arnalǵan saltanatty jıynda sóz sóıledi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT