Ádilet organdarynda sybaılas jemqorlyq 67 paıyzǵa azaıdy - mınıstrlik

NUR-SULTAN. QazAqparat – Ádilet organdarynda sybaılas jemqorlyq 67 paıyzǵa azaıdy. Bul týraly QR Ádilet mınıstrliginiń apparat basshysynyń mindetin atqarýshy Asqar Úmbetálıev aıtty, dep habarlaıdy QazAqparat tilshisi.

Uqsas jańalyqtar

Sybaılas jemqorlyqqa qarsy is-qımyl agenttiginiń uıymdyq-shtattyq qurylymy ońtaılandyryldy

Shymkentte kásipkerlikke zańsyz aralasqan 13 laýazymdy tulǵa qylmystyq  jaýapkershilikke tartyldy Mas kúıinde Sybaılas jemqorlyqqa qarsy qyzmet kýáligin kórsetken adam anyqtaldy - agenttik Qarjy jymqyrý: «Alataý» balalar klınıkalyq shıpajaıynyń dırektory kúdikke ilindi

«2020 jyly faktorlyq-baldyq shkala boıynsha ilki joba barlyq aýmaqtyq ádilet organdarynda qosymsha qarjylandyrýsyz óz qarajattary esebinen engizildi. Joba nátıjeli ótýde. Qyzmetkerlerdiń eńbekaqysy orta eseppen 60 paıyzǵa deıin ósti. Máselen, bas sarapshy FBSh engizilgenge deıin 130 myń teńge, al shkala engizilgennen keıin - 207,5 myń teńge aldy. Ádilet organdary boıynsha qyzmetkerlerdiń taza aýysymdylyǵy 2019 jylmen salystyrǵanda 43 paıyzǵa deıin qysqarǵany baıqalady», - dedi ol mınıstrliktiń keńeıtilgen alqa otyrysynda.

Onyń dereginshe, Prezıdenttik jastar kadrlyq rezervinen 3 qyzmetkerdiń laýazymy joǵarylady. Mınıstrlikte «Bolashaq» Prezıdenttik baǵdarlamasynyń 57 túlegi jáne Memlekettik basqarý akademııasynyń 26 túlegi qyzmet etedi. «Bolashaq» baǵdarlamasy boıynsha - 20 jáne Memlekttik basqarý akademııasynda 6 qyzmetker oqıdy. Qyzmettik mindetterin tıimdi oryndaǵan 36 qyzmetker mansaby boıynsha sarapshydan bas sarapshyǵa, bas sarapshydan bólim basshysyna, bólim basshysynan dırektordyń orynbasaryna joǵarylatyldy.

«Sybaılas jemqorlyq quqyq buzýshylyq 67 paıyzǵa azaıdy. Mınıstrlikte 2019 jyldyń shildesinen «ADALDYQ ALANY» jobalyq ofısi tabysty jumys isteıdi. Ofıs kúndelikti sybaılas jemqorlyqty joıýǵa jáne azamattardyń memlekettik bılik ınstıtýttaryna degen senim deńgeıin arttyrýǵa baǵyttalǵan is-sharalar ótkizedi. Jobalyq ofıstiń iske asyrylýynyń jaǵymdy jaqtaryn eskere otyryp, mınıstrlik 2020 jyly aýmaqtyq ádilet organdarynda óńirlik ofısterin ashty», - dedi Asqar Úmbetálıev.

.