Jańalyqtar  >
Ádepsiz minez-qulyq tanytqan ánshiler sahnadan 5 jylǵa shettetile me
2022 jylǵy 15 tamyz 14:27

Ádepsiz minez-qulyq tanytqan ánshiler sahnadan 5 jylǵa shettetile me

NUR-SULTAN. QazAqparat – Sahnada ádepsiz minez-qulyq tanytqan ánshilerdi 5 jylǵa deıin shettetý kreatıvti ındýstrııa naryǵynyń damýyna teris áser etýi múmkin. Bul jaıynda Senat depýtattarynyń saýalyna QR Premer-Mınıstri Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«QR Mádenıet jáne sport mınıstrligi oıyn-saýyq mádenı-buqaralyq is-sharalardy ótkizý tártibi jáne olardy uıymdastyrýshylardyń mindetteri Qazaqstan Respýblıkasynyń «Mádenıet týraly» Zańynda qarastyrylǵanyn, alaıda bul mindetterdi oryndamaǵany úshin jaýapkershilik uıymdastyrýshy men oryndaýshy arasynda tek azamattyq-quqyqtyq shartpen retteletinin atap ótedi. Bul rette Qazaqstan Respýblıkasynyń Ákimshilik quqyq buzýshylyq týraly kodeksinde oıyn-saýyq mádenı-buqaralyq is-sharalardy jáne taǵy basqalaryn ótkizý barysynda kórermenmen qarym-qatynas kezinde ártisterdiń ádepsiz minez-qulyq tanytqany úshin uıymdastyrýshylarǵa jaýapkershilikti qarastyrý boıynsha múddeli memlekettik organdarǵa tapsyrma berildi», - dedi Úkimet basshysy jaýabynda.

Sonymen qatar, Premer-Mınıstr uıymdastyrýshylardyń tıisti qyzmetin nemese jekelegen qyzmet túrlerin toqtatý jáne tyıym salý, sondaı-aq ánshilerdi 5 jylǵa deıin sahnadan shettetý kreatıvti ındýstrııa naryǵynyń damýyna teris áser etýi múmkin ekendigin alǵa tartady.

«Óz kezeginde Qazaqstan Respýblıkasynyń Іshki ister mınıstrligi múddeli memlekettik organdarmen birlesip, vandalızm úshin jaýapkershilikti qatańdatý jónindegi kelisim boıynsha usaq buzaqylyq jasaǵany úshin sanktsııalardy ulǵaıtýdy kózdeıtin Qazaqstan Respýblıkasynyń Ákimshilik quqyq buzýshylyq týraly kodeksine zańnamalyq túzetýlerdi ázirlep (434-baby), olardyń shekti mólsherlerin belgiledi: 1) 1-bólim boıynsha – 5-ten 20 AEK-ke deıin aıyppul, sondaı-aq ákimshilik qamaýǵa alýdyń eń tómengi shegi 5-ten 15 táýlikke deıin; 2) 2-bólim boıynsha – ákimshilik qamaqqa alýdyń eń tómengi shegi 15-ten 30 táýlikke deıin», - dedi Álıhan Smaıylov.


Foto: americasfuture.org





Uqsas jańalyqtar
Seriktester jańalyqtary

Jańalyqtar

Úrdis

MURAǴAT