+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

Adamǵa týǵan jerinde ósetin dári ósimdiktiń shıpasy mol - Altaı botanıkalyq baǵynyń dırektory

2021 jylǵy 12 sáýir 21:50
Bólisińiz:
Adamǵa týǵan jerinde ósetin dári ósimdiktiń shıpasy mol - Altaı botanıkalyq baǵynyń dırektory

NUR-SULTAN. QazAqparat - Búgin QR ǵylym salasy qyzmetkerleriniń kúni. Ataýly kúnge oraı QazAqparat tilshisi Altaı botanıkalyq baǵy dırektorynyń mindetin atqarýshy Gúlnaz Shobaqovadan suhbat aldy.

Altaı botanıkalyq baǵy – ǵylymı-zertteý mekemesi Shyǵys Qazaqstan oblysy, Rıdder qalasynda, teńiz deńgeıinen 760 – 860 m bıiktegi taý eteginde ornalasqan. Botanıkalyq baqtyń kólemi 1 109,1 sharshy gektar. Onyń negizi 1935 jyly ShQO-nyń Lenınogor (qazirgi Rıdder) qalasynda qurylǵan.

Atalǵan baqtyń dırektorynyń orynbasary Gúlnaz Shobaqovanyń aıtýynsha, kásiporyn maqsaty – ósimdikterdiń qundylyǵy týraly jańa bilim alý, tıptik qordy baıytý jáne botanıka salasynda irgeli, qoldanbaly, ınnovatsııalyq ǵylymı-zertteý jumysyn júrgizý.

«Sondaı-aq, Altaıdaǵy ósimdikter dúnıesin qorǵaý jáne olardyń maýsymdyq ózgerý zańdylyqtaryna fenologııalyq baqylaý júrgizý, paıdaly ósimdik túrlerin ósirip, halyq ıgiligine paıdalaný, basqa jerlerden ákelip otyrǵyzylǵan ósimdikterdi jersindirý, ólkedegi óndiris ortalyqtaryn kógaldandyrý. Altaı botanıkalyq baǵynda 74 qyzmetker jumys isteıdi. Onyń ishinde 16 ǵylymı qyzmetker, 3 ǵylym kandıdaty, 6 magıstrant, 1 doktorant bar. Qalǵany ákimshilik qyzmetkerler. Ózim osy jerde dırektordyń mindetin atqaryp júrgenime 1 jyldan astam ýaqyt boldy. Osy salaǵa 2012 jyly qańtar aıynda keldim», - deıdi Gúlnaz Shobaqova.

Ol atalǵan baqta dárihanalyq ósimdiktiń 125 túri bar ekenin aıtty. Qazirgi ýaqytta olardy zertteý júrgizilip jatyr.

«Shyǵys Qazaqstan oblysynda osy ósimdikterdiń 45 qosalqy qory bar. Onyń bárine zertteý júrgizilip jatyr. Qyzyl tamyr, altyn tamyr dárilik ósimdikterdi Jambyl oblysyna ótkizdik. Bul ósimdikterdiń bári Qyzyl kitapqa engen, sırek kezdesedi. Bul jerde 6 725 gerbarı qory bar», - deıdi ol.

Dırektordyń mindetin atqarýshy ár adamǵa óziniń týǵan jerinde ósken emdik ósimdikterdiń shıpaly bolatynyn aıtty.

«Bul aımaq emdik shópterge baı. Aldymen emdik ósimdikterdi óńir boıynsha izdep, jınap ákelemiz. Bizdiń mekemede jemis-jıdek baǵy, tabıǵı flora jáne basqa da bólimder bar. Solardyń birinde 1-2 jyl ósiriledi. Odan keıin jemisin kórip, ony emniń qandaı túrine qoldanýǵa bolatynyn zerttep, keptirip, qorapshaǵa qaptap, paıdalanýǵa daıyn kúıde dárihanalarǵa satamyz», - deıdi Gúlnaz Shobakova.

Bul baqqa jaz mezgilinde týrıster de keledi.

«Jazda týrıster kóp keledi. Baqqa kirý – tegin. Kollektsııalyq ósimdikti satyp alatyndar bolady. 2015 jyly botanıkalyq baqtyń 80 jyldyǵy ótti. Sol kezde 52 memlekettiń ǵalymy keldi. Qazirgi ýaqytqa deıin sheteldik ǵalymdarmen baılanystamyz. Qyrǵyzstan, Reseı, Ýkraına, Frantsııadan ǵalymdar kelip, tájirıbe almasady. Bizdiń mamandar ol jaqqa barady», - deıdi ol.

Onyń aıtýynsha, elimizde Mańǵystaýda, Almatyda jáne elordada botanıkalyq baq bar.

«Altaı botanıkalyq baǵy gerbarı qoryna baı. Basqa birde bir botanıkalyq baqta ondaı joq deýge bolady, bul elimizdegi biregeı botanıkalyq baq desek – artyq aıtqandyq emes. Aldaǵy ýaqytta Mańǵystaý eksperımentaldy botanıkalyq baǵymen tyǵyz jumys isteýdi josparlap otyrmyz», - deıdi dırektor mindetin atqarýshy.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT