ADAL men AMANAT saıası partııalary qosyldy
2022 jylǵy 26 sáýir 16:00

ADAL men AMANAT saıası partııalary qosyldy

NUR-SULTAN. QazAqparat – ADAL partııasynyń bastamasyn qoldap, AMANAT-pen birikken jón dep sanaımyn. Bul týraly AMANAT partııasynyń sezinde Prezıdent Qasym-Jomart Toqaev málim etti, dep habarlaıdy QazAqparat tilshisi.

«Jańa Qazaqstandy quramyz desek – elge janashyr, qoǵamdyq saıası kúshterdiń bári jumylýy kerek. Bul rette partııalardyń ózara til tabysyp, saıası júıeni damytýy asa mańyzdy. Sondyqtan ADAL partııasynyń bastamasyn qoldap, onymen birikken jón dep sanaımyn. ADAL - óz jaqtastary bar, qalyptasqan partııa. Saıası báseke artyp kele jatqan qazirgi kezeńde munyń aıryqsha máni zor. Osy mańyzdy qadam AMANAT partııasyn jańǵyrtyp, kúsheıte túsýge septigin tıgizedi dep oılaımyn», - dedi Memleket basshysy.

Sezd barysynda delegattar «ADAL» partııasynyń AMANAT-qa qosylýyn daýysqa qoıyp, qoldady.

Budan buryn habarlanǵandaı, búginnen bastap AMANAT partııasynyń tóraǵasy retinde Prezıdenttiń ókilettigi toqtady.

Prezıdent AMANAT partııasynyń tóraǵalyǵyna Erlan Qoshanovty usyndy.

Bıyl naýryz aıynda «ADAL» partııasynyń tóraǵasy Serik Sultanǵalı partııanyń AMANAT-qa qosylý sheshimin túsindirdi.

Seriktester jańalyqtary

Jańalyqtar

Úrdis

MURAǴAT