ABBA kvarteti 36 jyldan keıin qaıta jınalyp, kópshilik aldyna shyqty
2022 jylǵy 27 mamyr 22:30

ABBA kvarteti 36 jyldan keıin qaıta jınalyp, kópshilik aldyna shyqty

NUR-SULTAN. QazAqparat – Shvetsııalyq ABBA kvarteti 36 jyldan keıin qaıta jınaldy. Olar tyńdarman aldyna shyǵyp, eń tanymal ánderin oryndady, dep habarlaıdy QazAqparat Euronews saıtyna silteme jasap.

Naqtyraq aıtqanda, Londondaǵy ABBA Voyage rezıdentsııasynda kvartettiń vırtýaldy avatarlary án aıtady. Rezıdentsııanyń ashylýyn kóppen birge ánshilerdiń ózderi de tolyq quramda tamashalady.

«Men avatarymdy sahnadan kórgende, ózimdi sol ekrandaǵy jigitke jan bitirgendeı sezindim», - deıdi ABBA tobynyń burynǵy múshesi Born Ýlveýs.

Qazir kvartet músheleri men olardyń tyńdarmandarynyń jasy da 70-ten asyp ketken. Alaıda, vırtýaldy alańdaǵy ánshiler 1979 jylǵy keıpinde jasalǵan.

«Bul ABBA-nyń naǵyz otbasylyq merekesi boldy. Ǵajap. Men mundaı mindetti túrde taǵy kelemin», - deıdi top jankúıerleriniń biri.

Ánshilerdiń vırtýaldy nusqasyn jasaýshylar meılinshe túpnusqaǵa jaqyndatý úshin olardyń qımyl-qozǵalysyn aınytpaı salǵan. Al, tsıfrlyq kıimderin Dolce&Gabbana sán úıi jasap shyǵypty.



Jańalyqtar

MURAǴAT