+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Abaıǵa 175 jyl: Semeıde mereıtoıǵa daıyndyq barysy pysyqtaldy

2020 jylǵy 6 qańtar 21:35
Bólisińiz:
Abaıǵa 175 jyl: Semeıde mereıtoıǵa daıyndyq barysy pysyqtaldy

NUR-SULTAN. QazAqparat - QR Mádenıet jáne sport vıtse-mınıstri Nurǵısa Daýeshov Abaı Qunanbaıulynyń 175 jyldyǵyn uıymdastyrý jumystaryn talqylaý maqsatynda Semeı qalasyna issaparmen bardy, dep habarlaıdy QazAqparat tilshisi.

Uqsas jańalyqtar
ShQO-da tarıhı-ólketaný mýzeıinde selfı kúni ótti Qazaqtyń «Taqııaly perishtesi» ómirden ozdy «Astana Balet» sahnasynda Marıın teatrynyń solısteri óner kórsetedi

Mınıstrliktiń baspasóz qyzmetiniń málimetinshe, ol sapar barysynda Bórilidegi «M.Áýezov mýzeı-úıi», Jıdebaıdaǵy «Abaı mýzeı-úıi», «Abaı-Shákárim» mavzoleı kesheniniń jáne Semeı qalasyndaǵy bas mýzeıdiń jaı-kúıimen, mereıtoıǵa daıyndyq jáne ótkizý sharalarynyń barysymen tanysty.

Sonymen qatar Abaıdyń «Jıdebaı-Bórili» qoryq-mýzeıinde Abaı Qunanbaıulynyń 175 jyldyq mereıtoıyn ótkizý josparyn tanystyrý jáne Abaıdyń «Jıdebaı-Bórili» memlekettik qoryq-mýzeıiniń jańa ekspozıtsııasyn jasaqtaý jıynyn ótkizdi.

QR Mádenıet jáne sport vıtse-mınıstri Semeı qalasynyń zııaly qaýym ókilderine Abaı Qunanbaıulynyń 175 jyldyq mereıtoıyn daıyndaý jáne ótkizý jónindegi jalpy respýblıkalyq josparmen tanystyrdy. Jalpy respýblıkalyq josparda Hakim Abaıdyń murasyn nasıhattaýǵa arnalǵan halyqaralyq, respýblıkalyq jáne óńirlik mádenı-kópshilik sharalar ótkizý, Abaı shyǵarmalaryn shet tilderine aýdarý, Abaıdyń ómiri men shyǵarmashylyǵy, murasy týraly derekti fılmder túsirý, ǵylymı-tanymdyq konferentsııalar, semınarlar men shetelderde uıymdastyrylatyn is-sharalar men kórmeler jáne taǵy basqa ártúrli formattaǵy sharalar josparlanyp otyrǵanyn atap ótti.

Jıyn barysynda Abaıdyń «Jıdebaı-Bórili» memlekettik qoryq-mýzeıiniń Semeı qalasyndaǵy bas ǵımaratynyń, Abaıdyń shyǵarmashylyǵy men ómirine arnalǵan jańa ekspozıtsııasynyń tujyrymdama jobasy tanystyryldy.

Respýblıkalyq «Abaı» qorynyń Prezıdenti, Abaı aýdanynyń qurmetti azamaty O.Káribjanov, Abaı aýdanynyń qurmetti azamattary M.Tolǵanbaev, shejireshi M.Janbolatov, professor abaıtanýshy A.Espenbetov Jıdebaıdaǵy Abaı mýzeı-úıi, Semeı qalasyndaǵy bas mýzeıdiń jańa ekspozıtsııasyn jasaý jóninde pikirlerin aıtyp, Nurǵısa Daýeshovke usynystaryn jáne alǵystaryn bildirdi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT