+7 (701) 759 90 19
USD 420.67 EUR 510.99
RUB 5.58 CNY 64.92
Jańalyqtar

Abaıdyń mereıtoıyna oraı 100 jáne 500 teńgelik monetalar shyqty

2020 jylǵy 10 tamyz 11:22
Bólisińiz:
Abaıdyń mereıtoıyna oraı 100 jáne 500 teńgelik monetalar shyqty

NUR-SULTAN. QazAqparat - Qazaqstan Respýblıkasynyń Ulttyq banki 10 tamyz kúni «Este qalatyn oqıǵalar men birtýar adamdar» serııasynan «ABAI. 175 JYL» kollektsııalyq monetalaryn aınalysqa shyǵarady, dep habarlaıdy QazAqparat.

Uqsas jańalyqtar

Atap aıtqanda, nomınaly 500 teńgelik moneta - kúmisten, nomınaly 100 teńgelik shaqa - melhıor qospasynan jáne nomınaly 100 teńgelik moneta neızılber qospasynan jasalǵan.

Monetalar aqyn jáne aǵartýshy Abaıdyń 175 jyldyǵyna oraı shyǵaryldy.

Ulttyq bankten málim etkendeı, Qazaqstan aýmaǵynda karantın rejıminiń uzartylýyna baılanysty monetalardy satý merzimi keıinirek habarlanatyn bolady.

«Satý kúni týraly aqparat QR Ulttyq bankiniń resmı saıtynda qosymsha ornalastyrylady», - dedi bankten.

«ABAI. 175 JYL» monetalarynyń sıpattamasy:

Monetalardyń bet jaǵynda (aversinde) ortalyq bóliginde Qazaqstan Respýblıkasynyń Memlekettik Eltańbasy beınelengen. Eltańbanyń sol jáne oń jaǵynda «QAZAQSTAN RESPÝBLIKASY ∙ REPUBLIC OF KAZAKHSTAN» jazýlary ornalasqan. Aınaldyra ulttyq oıý-órnek elementteri bar. Tómengi bóliginde «TEŃGE» jazbasy jáne kúmis monetada onyń nomınalyn bildiretin «500» sany jáne melhıor men neızılber monetalarynda «100» sany beınelengen.

Monetalardyń syrt jaǵynda (reversinde) Abaı Qunanbaevtyń músindik portret beınesi, kúmis jáne melhıor monetalarda ınterferentsııalyq túrli-tústi beıneleý tehnologııasyn qoldana otyryp oryndalǵan sııa qutysynyń jáne qalamushtyń stıldendirilgen sýreti ornalasqan. Portrettiń oń jaǵynda – qazaqtyń kıiz úıi (basqur) dekory túrindegi oıý-órnek taspasy, onyń astynda Abaıdyń týǵan jylyn, 175 jyldyǵyn merekeleıtin kúndi jáne soǵylǵan jylyn bildiretin «1845-2020» degen jazba ornalastyrylǵan. Oń jaǵynda - metaldyń massasyn bildiretin «31,1 g» degen jazba bar. Monetanyń joǵarǵy bóliginde «175» jáne «JYL» degen jazba bar. Sol jaq bóliginde ulttyq oıý-órnek elementi, kúmis monetada moneta daıyndalǵan metaldy jáne onyń synamyn bildiretin «Ag 925» degen jazba bar. Monetanyń tómengi bóliginde latyn grafıkasynda «ABAI» degen jazba bar.

Tehnıkalyq ólshemderi:

«Rroof» sapaly monetalar 925/1000 synamdy kúmisten, massasy 31,1 gramm, dıametri 38,61 mm, nomınaly 500 teńgelik, taralymy 1 500 danada daıyndaldy.

«Vrilliant uncirculated» sapaly monetalar MN 25 melhıor qospasynan, massasy 15 gramm, dıametri 33 mm, nomınaly 100 teńgelik, taralymy 8 000 danada daıyndaldy

«Vrilliant uncirculated» sapasyly monetalar MNTs 15-20 neızılber qospasynan, massasy 11,17 gramm, dıametri 31 mm, nomınaly 100 teńgelik, taralymy 75 000 danada daıyndaldy.

Monetalar kollektsııalyq quny boıynsha satýǵa arnalǵan.

Nomınaly 500 teńgelik jáne 100 teńgelik kollektsııalyq monetalar tólemderdiń barlyq túrleri boıynsha Qazaqstan Respýblıkasynyń búkil aýmaǵynda olardyń belgilengen qunymen qabyldanýǵa, sondaı-aq bank shottaryna esepke alynýǵa jáne aýdarylýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.

Kúmisten daıyndalǵan monetalar kádesyılyq oramda shyǵarylady jáne Qazaqstan Ulttyq Bankiniń memlekettik, orys jáne aǵylshyn tilderinde nómirlik sapa sertıfıkatymen jabdyqtalǵan.

Melhıor qospasynan daıyndalǵan monetalar arnaıy polıgrafııalyq oramda shyǵarylady.

Kollektsııalyq monetalar Qazaqstan teńge saraıynda daıyndalǵan.



Bizdiń kanalymyzǵa jazylyńyz:

Bólisińiz:

Avtor:

Aqbópe Ábdrasýl

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT