Abaıdyń 175 jyldyǵy: Únemdelgen 1,7 mlrd teńge qaıda jumsaldy – mınıstrdiń jaýaby

NUR-SULTAN. QazAqparat – Abaıdyń 175 jyldyǵyn toılaýǵa bólingen, alaıda pandemııaǵa baılanysty únemdelgen 1,7 mlrd teńge qaıda jumsaldy? Bul suraqqa Mádenıet jáne sport mınıstri Aqtoty Raıymqulova jaýap berdi, dep habarlaıdy QazAqparat tilshisi.

Uqsas jańalyqtar

Elordada qurylys alańyndaǵy qoqystan órt shyqty

Qurylys kompanııalaryna maman daıarlaýǵa tikeleı atsalysý usynyldy Sarapshy qurylys salasynda bilikti mamandardyń nege az ekenin aıtty Qurylys salasynda 242 myń maman tapshy

«Shynynda da, únemdelgen qarajat respýblıkalyq bıýdjetke qaıtaryldy. Sebebi karantınge baılanysty sharalardyń kóbi qysqartyldy. Jyl basynda oflaın sharalardyń birazy josparlanǵan edi. Únemdelgen qarajat Shyǵys Qazaqstannyń ınfraqurylymyn damytýǵa, Semeıdegi negizgi mýzeıdi órkendetýge, Ahmet-Rıza meshitin restavratsııalaýǵa, sondaı-aq Jıdebaı-Bórili memlekettik tarıhı-mádenı jáne ádebı-memorıaldyq qoryq-mýzeıin damytýǵa jumsaldy. Álbette Abaı ómirine qatysty barlyq tarıhı oryndardy restavratsııalaý jumysy umyt qalǵan joq. ıAǵnı Prezıdent atap ótkendeı, bul qarajatty bastysy ınfraqurylymǵa bóldik. Sondaı-aq kitaptardy, Abaıdyń shyǵarmalarynyń 10 tildegi 10 tomdyǵyn shyǵarýǵa qarajat bólindi», - dedi Aqtoty Raıymqulova OKQ-da ótken baspasóz máslıhatynda.

Mınıstr Semeıdegi Abaıdyń uldarymen birge turǵan eskertkishin qala ákimdigi ornatqanyn jetkizdi.

«Eskertkishke qansha ketkenin jergilikti ákimdik biledi. Bul – sol jergilikti bıliktiń bólingen qarajatymen jasalǵan eskertkish», - dedi ol.