Abaı, Jetisý jáne Ulytaý oblystarynda tirkeletin kólikterdi tsıfrlyq tańbalaý tártibi aıqyndaldy
2022 jylǵy 27 maýsym 11:44

Abaı, Jetisý jáne Ulytaý oblystarynda tirkeletin kólikterdi tsıfrlyq tańbalaý tártibi aıqyndaldy

NUR-SULTAN. QazAqparat – Abaı, Jetisý jáne Ulytaý oblystarynda jańadan tirkeletin kólikter úshin tsıfrlyq tańbalaý tártibi aıqyndaldy. Bul týraly QR Іshki ister mınıstrliginiń ókili Shuǵyla Turlybek málim etti, dep habarlaıdy QazAqparat tilshisi.

Qazaqstanda kólik quralyn tirkeýde óńirler boıynsha sáıkestendirý úshin tıisti tsıfrlyq tańbalaý belgilengen. Bul turǵyda kólik nómirlerindegi óńirlik kodtar qazaq tiliniń álipbı tártibimen beriledi.

«Osy oraıda mınıstrlik jańadan qurylǵan úsh oblys boıynsha avtokólikterdiń memlekettik nómirlerine óńir kodtaryn tsıfrlyq belgileýdiń retin usyndy. Atap aıtqanda, Abaı oblysyna - 18, Jetisý oblysyna - 19, sondaı-aq Ulytaý oblysyna 20 tańbasy belgilenbek», - dedi Shuǵyla Turlybek mınıstrliktiń baspasóz alańynda ótken brıfıng barysynda.

Atalǵan úsh oblysta memlekettik nómirdiń jańa tsıfrlyq tańbasyn engizý barysynda kólik quraldaryndaǵy burynǵy memlekettik nómirlerdi aýystyrý talap etilmeıdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT