Abaı shyǵarmalary álemniń 30 tiline aýdarylady

NUR-SULTAN. QazAqparat - Qazaqtyń uly aqyny Abaı shyǵarmalary álemniń 30 tiline aýdarylady, dep habarlaıdy QazAqparat tilshisi.

Uqsas jańalyqtar

Aqtóbedegi joǵary oqý ornynda «Abaıtaný» kýrsy engizildi

Aqmola oblysynda Abaıdyń 175 jyldyǵyna oraı myńnan astam shara ótedi ShQO-da Abaı atyndaǵy saıabaq salynbaq Óskemende Abaıdyń 175 jyldyǵyna oraı 100-ge jýyq shara ótedi

QR Syrtqy ister mınıstrligi baspasóz qyzmetiniń málimetinshe, Abaı Qunanbaıulynyń shyǵarmalary álemniń 30 tiline aýdarylady. Munan bólek, Reseı Federatsııasynda qoldanys aıasy keń 10 tilge Abaıdyń «Qara sózderi» men óleńderi ataqty jazýshylar men aýdarmashylardyń qatysýymen ijdahatpen aýdarylyp, Reseı baspalarynda basyp shyǵarý josparlanǵan.

«Elshilikter M.Áýezovtyń «Abaı joly» romanyn arab, túrik, grek, armıan, mońǵol, vetnam tilderine aýdarýǵa atsalysýǵa daıyn. Kembrıdj ýnıversıtetiniń baspasynda Brıtandyq keńespen birlesip, Abaıdyń óleńderi men qara sózderi kiretin jınaqty aǵylshyn jáne qazaq tilderinde basyp shyǵarylady«, - dep atap ótedi vedomstvodan.

Munan bólek, elimizdiń Syrtqy ister mınıstrligi QR Tuńǵysh Prezıdenti – Elbasy kitaphanasymen jáne Ulttyq aýdarma bıýrosymen birlesip, shet tilderde jaryq kórgen Abaı shyǵarmalarynyń tusaýkeserin Germanııa, Belgııa, Lıýksembýrg, Qytaı, Túrkııa, Birikken Arab Ámirlikterinde ótetin halyqaralyq kitap kórmelerinde ótkizbek.

Esterińizge sala ketsek, taıaýda Aqordada Memlekettik hatshy Qyrymbek Kósherbaevtyń tóraǵalyǵymen Abaıdyń 175 jyldyq mereıtoıyn daıyndaý jáne ótkizý jónindegi memlekettik komıssııa otyrysy ótken bolatyn. Sol jıynda 2020 jyldyń 8 qańtarynda elordadaǵy «Qazaqstan» ortalyq kontsert zalynda Hakim Abaıdyń 175 jyldyq mereıtoıynyń bastalýyna arnalǵan saltanatty shara ótetindigi belgili bolǵan edi.