+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Abaı óleńin oqý estafetasyna qatysqan orys qyzy kópshilik kózaıymyna aınaldy

2019 jylǵy 16 shilde 12:32
Bólisińiz:
Abaı óleńin oqý estafetasyna qatysqan orys qyzy kópshilik kózaıymyna aınaldy

NUR-SULTAN. QazAqparat – Abaı óleńderin oqý estafetasyn jalǵastyrǵan Taraz qalasynyń turǵyny Vıktorııa Tregýbovanyń vıdeosy jelide keń tarady, dep habarlaıdy QazAqparat Qazaqstan halqy Assambleıasynyń baspasóz qyzmetine silteme jasap.

Uqsas jańalyqtar
Ar kontseptsııasy – Prezıdenttiń «Abaı jáne HHІ ǵasyrdaǵy Qazaqstan» maqalasynan týyndaǵan oılar Erbol Tileshov: Abaıdy taný arqyly ózimizdi jónge salamyz Saýytbek Abdrahmanov: Prezıdent Abaı murasyn qazirgi jańǵyrý ıdeıasyna oraılastyra keltirdi

Memleket basshysy Qasym-Jomart Toqaev mektep oqýshysy Láılim Erlanqyzynan qabyldap, kópshilikke joldaǵan hakim Abaıdyń 175 jyldyǵyna arnalǵan aqyn óleńderin oqý estafetasyna Qazaqstan halqy Assambleıasy qyzý qoldaý bildirýde. Assambleıa tóraǵasynyń orynbasary Janseıit Túımebaevtyń tapsyrmasymen barlyq óńirdegi etno-mádenı birlestikter bul aktsııaǵa birden atsalysyp, jumyla jalǵastyryp áketti.

Qatysýshylardyń arasynda Taraz qalasynyń turǵyny Vıktorııa Tregýbova da bar. Ol Abaı Qunanbaevtyń «Óleń – sózdiń patshasy» óleńin oqyp, kópshilik kózaıymyna aınaldy. Áleýmettik jelide keń taraǵan beınejazbaǵa 1500-ge jýyq repost jasalyp, tamashalaýshylar sany 65 myńnan asty.
Kópshilik Vıktorııaǵa qazaq tiline degen qurmeti úshin erekshe alǵys aıtyp, zor rızashylyǵyn bildirdi. Olardyń arasynda belgili aqyn, Memlekettik syılyqtyń ıegeri Tynyshtyqbek Ábdikákimuly, aqyn, «Platınaly tarlan» syılyǵynyń ıegeri Israıl Saparbaı, kórnekti kúıshi, Qazaqstannyń eńbek sińirgen qaıratkeri Janǵalı Júzbaev, kınorejısser, Qazaqstannyń eńbek sińirgen qaıratkeri Satybaldy Narymbetov, dúldil ánshi, Qazaqstannyń eńbek sińirgen qaıratkeri, Erlan Rysqalı jáne basqa aqyn-jazýshylar men BAQ ókilderi, sondaı-aq áleýmettik jeli qoldanýshylary bar.


Aıta keteıik, Vıktorııa Tregýbova 1998 jyly 1 maýsymda Reseı Federatsııasynyń Ýlıanovsk oblysynda dúnıege kelgen. 2000 jyly Jambyl oblysy Moıynqum aýdany Ulanbel aýylyna qonys aýdarǵan. M.Áýezov atyndaǵy orta mektepti bitirgen. 2019 jyly M.H.Dýlatı atyndaǵy Taraz memlekettik ýnıversıtetiniń jýrnalıstıka fakýltetin támamdady.

Qazirgi kezde Taraz qalasynda turady. Qańtar aıynan beri Jambyl oblystyq telearnasynyń «Tuski time» baǵdarlamasynyń tálimger-júrgizýshisi. Jambyl oblystyq Qazaqstan halqy Assambleıasy «Radonej» orystar qoǵamy birlestiginiń múshesi jáne QHA Jańǵyrý joly jastar qozǵalysynyń belsendisi.

«Otbasynda eki aǵaıyndymyz. Ózimnen úsh jas úlken aǵam Vladıslav ta qazaq mektebin bitirgen, qazaq tilinde erkin sóıleıdi. Anam Svetlana Stepanovna – meteorolog, ákem Vıacheslav Aleksandrovıch - Jambyl oblystyq obaǵa qarsy kúres stantsııasynyń qyzmetkeri. Naǵashy jurtym – Jambyl oblysynan, anam Ulanbel aýylynda týyp-ósken. Reseıge qydyryp baryp, ákemmen tanysyp, ekeýi shańyraq kótergen. Arada 6-7 jyl ótkende anam ákeme týyp-ósken jerin kórsetpek bolyp, eki balasymen tórkinine qydyryp keledi. Ákeme Qazaqstannyń unaǵany sonshalyq, sodan keıin biz Reseıge qaıta oralmadyq. Aýylda bir ǵana qazaq mektebi bolǵandyqtan úıdegiler bizdi sol bilim oshaǵynyń partasyna otyrǵyzdy. Biraq biz qazir memlekettik tildi joǵary deńgeıde meńgergenimiz úshin maqtanamyz. Qazaqy ortada tárbıelenýime múmkindik jasaǵan áke-shesheme myń alǵys. Ózimdi kópshilikke orystyń qazaq qyzymyn dep tanystyramyn», – deıdi Vıktorııa Tregýbova.




Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT