+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Abaı óleńderi Irannyń Shıraz qalasynda oqyldy - Sheteldegi qazaq tildi BAQ-qa sholý

2019 jylǵy 7 qyrkúıek 11:43
Bólisińiz:
Abaı óleńderi Irannyń Shıraz qalasynda oqyldy - Sheteldegi qazaq tildi BAQ-qa sholý

Nur-Sultan. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Qazaqstanda 18 qyrkúıekte ótetin mańyzdy sharalarǵa sholý Qazaqstanda 17 qyrkúıekte ótetin mańyzdy sharalarǵa sholý Beıjińde «Qytaı men Irandaǵy shytyrman oqıǵalar» jaryq kórdi - Sheteldegi qazaq tildi BAQ-qa sholý

Qytaılyq JOO-y adam júzin tanıtyn apparattyń paıdasyn kórýde - «Jenmın jıbao» (People Daily)


Qytaıdyń Shııan qalasyndaǵy Batys soltústik ónerkásip ýnıversıteti adam júzin jazbaı tanıtyn apparattyń paıdasyn kórýde, dep jazady «Jenmın jıbao» aqparattyq portaly.


Qytaılyq BAQ-tyń málimetinshe, jańa oqý maýsymy bastalysymen, Shııandaǵy Batys soltústik ónerkásip ýnıversıtetinde adam kelbeti tanıtyn apparat keń kólemde qoldanyla bastaǵan. Atalǵan zamanaýı qurylǵy JOO-yń jataqhanalary, kitaphanalary, májilis zaldary, ákimshilik keńse ǵımaraty qatarly 30 neshe nysandy qamtyǵan. Bul zamanaýı apparat oqytýshylar men stýdentterdiń turmysyna óte qolaıly bolyp, ýnıversıtettyń qaýypsizdikti basqarý jumysyn da barynsha jeńildetken.



Iran men Qazaqstan ózara qarym-qatynasty damytý qajettigin qýattaýda - «Fars» aqparat agenttigi



Iran Islam keńesi májilisi tóraǵasynyń halyqaralyq ister jónindegi arnaıy kómekshisi men Qazaqstannyń Irandaǵy elshisi Asqat Orazbaı qos taraptyń tıimdi parlamentaralyq qarym-qatynasyna rızashylyq bildirip, eki eldiń baılanystaryn jan-jaqty damytý qajettigin qýattady.

Bul týraly osy aptada parstoday aqparat agenttigi habarlaıdy.

Hoseın Amır Abdýllahıan Asqat Orazbaımen kezdesýinde eki eldiń qarym-qatynasyna toqtaldy. «Iran men Qazaqstannyń áleýetterin ártúrli salalarda qarym-qatynasty odan ary nyǵaıtý úshin paıdalaný kerek», - dedi Hoseın Amır Abdýllahıan.

Amır Abdýllahıan Eýrazııa ekonomıkalyq odaǵyna múshe elder Parlamentteriniń otyrysyn ótkizýdi mańyzdy dep atap ótken. «Elder arasyndaǵy baılanystardy damytýda Parlamentterdiń dıplomatııalyq róli aıtarlyqtaı», - dedi Iran Islam keńesi májilisi tóraǵasynyń halyqaralyq ister jónindegi arnaıy kómekshisi.

Irandaǵy Qazaqstan elshisi de osy kezdesýde eki eldiń qarym-qatynasyn ońdy dep baǵalap, baılanystardy jan-jaqty damytý qajettigin qýattady. A. Orazbaı, sondaı-aq, ózara ekonomıkalyq qatynasty keńeıtý úshin ırandyq jáne qazaqstandyq iskerlerdiń baılanystaryn jeńildetý qajettigin aıtty.

«Altyn adam» Ankaraǵa barady - TRT



Saq jaýyngeriniń saýyty Anadoly Órkenıetter murajaıyna qoıylady. Qazaqstanda 50 jyl buryn tabylǵan «Altyn adam» Ankarada kórmege qoıylady, dep habarlaıdy Túrkııa Radıo Televızııa portaly.

«Qazaqstan ókiletti elshiliginen alynǵan málimetke qaraǵanda, bizdiń dáýirimizden burynǵy 5-ǵasyrdan qalǵan, «Altyn adam» dep atalyp ketken Saq jaýyngeriniń saýyty Anadoly Órkenıetter murajaıyna qoıylady. Qazaqstan Ulttyq murajaıynda saqtalǵan «Altyn adam» budan buryn Belarýs, Ázerbaıjan, Reseı, Qytaı, Polsha jáne Ońtústik Koreıada kórmege qoıyldy» dep jazady túrkııalyq BAQ.

Abaı óleńderi Irannyń Shıraz qalasynda oqyldy - «Fars» aqparat agenttigi



Qazaqtyń bas aqyny Abaı Qunanbaıulynyń 175 jyldyǵyna oraı bastalǵan uly aqyn óleńderin jatqa oqý estafetasy Irannyń Shıraz qalasynda jalǵasyn tapty, dep habarlaıdy parstoday aqparat agenttigi.

Atalǵan aqparat kóziniń málimetinshe, qazaqstandyq zeınetker, qazaq tili men ádebıetiniń ustazy Maıra Nurmaqova bul jolǵy sheteldik saparynda Abaı óleńderin dáripteýdi qolǵa alǵan eken. Maıra hanym bul estafetasyn zııarat ete barǵan parsy shaıyrlary Hafız jáne Saǵdımen Abaı óleńderin sáıkestire oqydy.

«Batys Qazaqstan oblysynyń Oral qalasynan Iranǵa týrıstik saparmen kelgen zeınetker ustaz Maıra Nurmaqova Shıraz qalasyna sapary barysynda parsy poezııasynyń áıgili shaıyrlary Hafız ben Saǵdıdiń kesenelerine zııarat etken. Sondaı-aq, osy jerde qazaqstandyq týrıst qazaqtyń uly aqyny Abaıdyń «Segiz aıaq» jáne «Ǵylym tappaı maqtanba» syndy tanymal óleńderin jatqa oqyp, estafetany jalǵastyrǵan» dep jazady parstoday.com.


Túrkııanyń álemge «qaqpasy» ashylmaq - TRT



Ankara Beshtepede qurylysy jalǵasyp jatqan Prezıdenttik kitaphana qurylysy aıaqtalyp qaldy. Kitaphana kelesi aıda prezıdent Rejep Taıyp Erdoǵannyń qatysýymen ashylady,

Dep jazady Túrkııa Radıo Televızııa portaly.

Atalǵan BAQ-tyń málimetinshe, 24 saǵat qyzmet beretin kitaphanada balalar úshin arnaıy bólim bolady. 1 jarym mıllıon baspa týyndy, 500 myń merzimdi basylym, 5 mıllıon kitaptan quralǵan Túrkııanyń eń iri kitaphanasy jaqynda ashylady. Prezıdenttik apparattyń baspasóz hatshysy Ibrahım Kalyn bul kitaphana Túrkııanyń álemge ashylǵan qaqpasy ekenin aıtqan.

«Prezıdenttik kitaphana ári bizdiń ilim, mádenıet, óner muramyzdy kórsetedi, ári álemniń aldyńǵy qatarly mádenıet pen órkenıetteriniń negizgi basylymdaryn qamtıdy dep josparlanýda. Osy maǵynada Túrkııanyń álemge ashylǵan qaqpasy bolady. Oqyrmandar sóreden qalaǵan kitabyn alyp oqı alady. Sondaı-aq, kitaptarǵa, basylymdarǵa, gazet-jýrnaldarǵa elektrondyq platformada qol jetkizýge bolady», deıdi Ibrahım Kalyn.

Ózbekstanda ómir boıy jalaqy alatyn sportshylar sany qansha? - «ÓzA» aqparattyq agenttigi



Ózbekstan Respýblıkasy Prezıdentiniń 2017 jylǵy 10 tamyzdaǵy «Bedeldi halyqaralyq sport jarystarynda joǵary nátıjelerge qol jetkizgen Ózbekstandyq sportshylardy qoǵamdyq jáne sporttyq is-sharalarǵa keńinen tartý jáne sportshylar men olardyń jattyqtyrýshylaryn kótermeleý týraly» Jarlyǵyna sáıkes Olımpıada jáne Paralımpıada oıyndary jeńimpazdary men júldegerlerine ómir boıy aılyq jalaqy tólenedi.

Bul týraly osy aptada Ózbekstannyń «Óz memlekettik aqparattyq agenttigi habarlady.

Qazirgi kúnde mundaı jalaqy alatyn Olımpıada jáne Paralımpıada oıyndary jeńimpazdary jáne júldegerleriniń sany Ózbekstanda 57 sportshyny quraıdy.

Ózbek basylymy bundaı mártebeli ataqtan sportshylar qandaı jaǵdaıda shyǵarylatynyn jazǵan.

«Eger sportshy Ózbekstan Respýblıkasynyń azamattyǵynan shyqsa nemese basqa eldiń atynan jarysqa qatyssa, Búkilálem antıdopıng uıymy tarapynan tyıym salynǵan preparattar qoldanǵany anyqtalyp, Olımpıada jáne Paralımpıada jeńimpazdyǵy júldeleri alyp qoıylsa, sot sheshimimen ómir boıyna bas bostandyǵynan aıyrylsa ıakı ólim qushsa, ondaı jaǵdaıda ómir baqı aılyq tólem berý tizimi toqtatylady», - dep jazady ózbekstandyq BAQ.

«Ómir boıy aılyq jalaqy alatyn sportshylarǵa, halyqaralyq sport jarystarynda alǵan júldesiniń dárejesine baılanysty jalaqy beriledi. Altyn medal úshin - eń tómengi jalaqynyń 10 eselengen mólsheri; Kúmis medal úshin - eń tómengi jalaqynyń 5 eselengen mólsheri; Qola medal úshin - eń tómengi jalaqynyń 5 eselengen mólsherinde aılyq jalaqy tólenedi», dep túıindeıdi uza.uz.


Bizdiń kanalymyzǵa jazylyńyz:

Basty sózder: Qytaı, Qandastar, BAQ, Túrkııa,
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT