Abaı oblysynda jańadan qurylǵan Aqsýat aýdanynyń ákimi taǵaıyndaldy
2022 jylǵy 1 shilde 10:31

Abaı oblysynda jańadan qurylǵan Aqsýat aýdanynyń ákimi taǵaıyndaldy

SEMEI. QazAqparat – Abaı oblysynda jańadan qurylǵan Aqsýat aýdanynyń ákimi bolyp Ashat Smaılov taǵaıyndaldy, dep habarlaıdy QazAqparat tilshisi.

Ashat Saıdahmetuly 1968 jyly 1 naýryzda Semeı oblysy Aqsýat aýdany Qyzyl Kesik aýylynda dúnıege kelgen. 1991 jyly Qaraǵandy memlekettik ýnıversıtetin «ekonomıst» mamandyǵy boıynsha bitirdi.

Eńbek jolyn 1994 jyly Aqsýat aýdandyq qarjy bóliminiń kirister túsýin boljaý jáne ekonomıkalyq taldaý bóliminiń aǵa ekonomısi bolyp bastaǵan. Keıin Tarbaǵataı aýdandyq qarjy bólimi meńgerýshisiniń orynbasary, bıýdjet bóliminiń basshysy qyzmetterin atqardy.

2002-2005 jyldar aralyǵynda Tarbaǵataı aýdandyq ekonomıka bólimin, keıin aýdan ákimi apparatynyń qarjy-sharýashylyq bólimin basqarǵan. Eki jyl Tarbaǵataı aýdandyq ekonomıka jáne bıýdjettik josparlaý bóliminiń basshysy laýazymynda qyzmet etti.

2009-2010 jyldary Tarbaǵataı aýdany ákimi apparatynyń basshysy boldy. 2010-2018 jyldary aralyǵynda Tarbaǵataı aýdany ákiminiń orynbasary, 2018-2020 jyldary Kókpekti aýdanynyń ákimi laýazymyn atqardy.

Osy ýaqytqa deıin Tarbaǵataı aýdanynyń ákimi bolyp eńbek etti.


Uqsas jańalyqtar

Jańalyqtar

Úrdis

MURAǴAT