Abaı oblysynda Qyzyl kitapqa engen arqardy atqan brakoner ustaldy
2022 jylǵy 30 maýsym 14:41

Abaı oblysynda Qyzyl kitapqa engen arqardy atqan brakoner ustaldy

SEMEI. QazAqparat – Abaı oblysy Aıagóz aýdanynda Qyzyl kitapqa engen arqardy atqan brakoner ustaldy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetine súıensek, tabıǵat qorǵaý polıtsııasy bólimi quzyrly memlekettik organdarmen birlesip brakonerliktiń jolyn kesý maqsatynda reıd ótkizýde. Jyl basynan beri zańsyz ań aýlaýdyń 11 faktisi anyqtalǵan.

«Polıtsııa qyzmetkerleri «OHOTZOPROM» mekemesiniń ınspektorlarymen birlesip Aıagóz aýdany Tarbaǵataı aýyldyq okrýginiń aýmaǵynda Qyzyl kitapqa engen arqar men kúzenderdi aýlaǵan Aqqoja aýylynyń 38 jastaǵy turǵynyn ustady. Ol Aqshoqy aýylynyń shetinde tirkelmegen tegis uńǵyly 28 kalıbrli atys qarýymen ań atqan. Sonyń saldarynan qorshaǵan ortaǵa keltirilgen materıaldyq zalal 13 mıllıon teńgeden asty», - delingen aqparatta.

Atalǵan fakti boıynsha QR QK-niń 337-baby 4-bóligimen sotqa deıingi tergeý amaldary júrgizilýde. Brakoner 7 jylǵa deıingi merzimge bas bostandyǵynan aıyrylýy múmkin.


Uqsas jańalyqtar
Brokerlik shotty qalaı ashýǵa bolady
2022 jylǵy 6 tamyz 17:22

Brokerlik shotty qalaı ashýǵa bolady

NUR-SULTAN. QazAqparat - Qor naryǵynda baǵaly qaǵazdarmen saýda jasamas buryn ınvestıtsııalyq shot ashý kerek. QazAqparat Fingramota.kz saıtyna silteme jasaı otyryp muny qalaı jasaýǵa bolatynyn jáne ınvestordyń qaı mindetterge nazar aýdarýy kerek ekeni týraly málimetti usynady.

Qazaqstanda bólshek ınvestorlar qor bırjasynda lıtsenzııasy bar deldaldar – brokerler men dılerler arqyly ǵana saýda jasaı alady. Bular klıenttiń atynan baǵaly qaǵazdarmen mámileler jasaıtyn jáne saýda-sattyqqa tikeleı qol jetkize alatyn baǵaly qaǵazdar naryǵynyń kásibı qatysýshylary.

Investıtsııalyq deldaldardyń qyzmetin QR Qarjy naryǵyn retteý jáne damytý agenttiginiń atynan ýákiletti organ retteıdi. Qarjy retteýshisiniń www.gov.kz saıtynda baǵaly qaǵazdar naryǵynda brokerlik jáne dılerlik qyzmetti júzege asyratyn uıymdardyń lıtsenzııasynyń bolýyn tekserýge bolady. Eger lıtsenzııa bar bolsa, ol naryqtyń qatysýshysy bolyp sanalady jáne brokerdiń áreketinen ınvestorlardyń quqyqtary buzylǵan jaǵdaıda retteýshi oǵan yqpal etýdiń túrli sharalaryn qoldana alady.

«Brokerdi anyqtap alǵannan keıin siz onymen brokerlik qyzmet kórsetý jáne baǵaly qaǵazdardy nomınaldy ustaý boıynsha jazbasha shart jasaýyńyz kerek. Qyzmet eldiń barlyq kámeletke tolǵan azamattary úshin tıisti qujaty bolǵan jaǵdaıda iske asyrylady. Osy shartqa sáıkes broker baǵaly qaǵazdardy satyp alý jáne satý boıynsha qyzmet kórsetedi. Baǵaly qaǵazdar boıynsha mámileler jasaý nátıjesinde siz ınvestıtsııalyq tabys alasyz (baǵaly qaǵazdy satý kezinde onyń qunynyń ósýi nemese kýpondyq syıaqy túrinde), al broker óz kezeginde óz qyzmetteri úshin komıssııa alady», - delingen taratylǵan málimette.

Broker ınvestorǵa Baǵaly qaǵazdar ortalyq depozıtarıı júıesinde shot ashady. Baǵaly qaǵazdarmen jasalatyn mámilelerge arnalǵan barlyq shottar Ortalyq depozıtarıı júıesinde ashylady. Sol jerde ınvestorlardyń aktıvteri derbes shottarda saqtalady, bul klıentter qarajatynyń saqtalýyn jáne barlyq mámilelerdiń transparenttiligin qamtamasyz etedi.

Qazaqstannyń qor naryǵyndaǵy sońǵy eki jyldaǵy eń eleýli úrdisterdiń biri retinde ınvestor- jeke tulǵalar sanynyń ósýi bolyp otyr. 2022 jyldyń alty aıynda bólshek ınvestorlardyń sany jyl basynan 1,6 esege artyp, 365 myńnan asty. 2022 jyldyń birinshi jartyjyldyǵynyń qorytyndysy boıynsha jeke tulǵalar 146 myń jańa derbes shotty tirkegen.

Úıden shyqpaı-aq shot ashýǵa bola ma?

Investıtsııalyq shotty birneshe tásildermen ashýǵa bolady:

- brokermen jeke kezdeý barysynda;

- brokerdiń mobıldik qosymshasy arqyly;

- brokerdiń saıtynda onlaın-ótinimi arqyly.

Investıtsııalyq shotty ashý, júrgizý jáne jabý – aqysyz kórsetiletin qyzmet, bul rette brokerler shotty sol kúni nemese úsh jumys kúni ishinde ashady.

Shart bekitkennen jáne shot ashqannan keıin, baǵaly qaǵazdardy, altyndy satyp alýǵa ári satýǵa ótinimderdi ornalastyrý úshin saýda termınalyna qol jetkize alasyz. Siz qandaı bırjalarda saýda jasaı alatynyńyzdy broker kórsetedi. Osylaısha, otandyq jáne shetel kompanııalarynyń aktsııalaryn, oblıgatsııalaryn jáne basqa da qarjy quraldaryn satyp ala alasyz.

Tapsyrystardy SMS nemese ETsQ arqyly rastaı otyryp, brokerlik kompanııanyń mobıldik qosymshasy arqyly nemese onyń saýda platformasynda saýda operatsııalaryn júrgizýge ótinimderdi bere alasyz jáne rastaısyz.

Brokerlermen jumys istegen kezde ınvestorlar qandaı jańalyqtardy bilýi kerek?

2022 jylǵy 12 shildede Memleket basshysy «Qazaqstan Respýblıkasynyń keıbir zańnamalyq aktilerine saqtandyrý naryǵyn jáne baǵaly qaǵazdar naryǵyn retteý men damytý, bank qyzmeti máseleleri boıynsha ózgerister men tolyqtyrýlar engizý týraly» jańa QR Zańyn qabyldady, ol 2022 jylǵy qyrkúıekte kúshine enedi.

Qor naryǵyna qatysty barlyq jańalyqtar ınvestorlardyń quqyqtaryn qorǵaýdy kúsheıtýge baǵyttalǵan.

Zańda ınvestor-jeke tulǵalarǵa Agenttik lıtsenzııasynyń negizinde jumys isteıtin jáne tıisti biliktiligi bar brokerler ǵana ınvestıtsııalyq usynymdardy jasaı alatyny qarastyrylǵan.

Eger klıent ınvestıtsııalyq usynymdardy berý tártibin saqtamaý nátıjesinde shyǵynǵa ushyrasa, broker nemese ınvestıtsııalyq portfeldi basqarýshy jaýapkershilikke tartylady. Mundaı jaýapkershilik klıentke jańylystyratyn aqparat nemese jalǵan málimet berilgen jaǵdaılarda da bolady.


Sibir taýtekesin atqan brakonerler ustaldy
2022 jylǵy 4 tamyz 00:22

Sibir taýtekesin atqan brakonerler ustaldy

TALDYQORǴAN. QazAqparat - 2-tamyz kúni keshki saǵat 19:30 shamasynda Jońǵar-Alataý parkiniń memlekettik ınspektorlary kezekti reıd barysynda Toqty memlekettik tabıǵı qaýmaly aýmaǵynan Toyota Land Cruiser Prado markaly avtokólikti toqtatty, dep habarlaıdy QazAqparat.

Orman sharýashylyǵy jáne janýarlar dúnıesi komıtetiniń málimetinshe, kólik ishinde bolǵan Qazaqstan azamaty men ıspan ultynyń eki ókili ustaldy.

«Kólikti tintý barysynda júk salý bóliginen 2 dana Sibir taýtekeleriniń bastary terisimen jáne eki qapqa salynǵan salmaǵy 60-62 kg etteri, sondaı-aq shet el azamattaryna tıesili eki qarý - Mannlicher, Bleızer tárkilendi», - dep jazdy vedomstvodan.

Atalǵan fakti boıynsha is tergep-tekserý amaldaryn júrgizý úshin Jetisý oblysy Alakól aýdandyq polıtsııa bólimine jiberildi.

Sharyn ulttyq parkinde taýteke aýlap júrgen brakonerler ustaldy
2022 jylǵy 2 tamyz 00:49

Sharyn ulttyq parkinde taýteke aýlap júrgen brakonerler ustaldy

NUR-SULTAN. QazAqparat – Sharyn ulttyq parki aýmaǵyna zańsyz kirgen brakonerlerden birneshe qarý tárkilendi, dep habarlaıdy QazAqparat orman sharýashylyǵy jáne janýarlar dúnıesi komıtetine silteme jasap.

30 shilde kúni saǵat 13:00 shamasynda Sharyn ulttyq tabıǵı parki ınspektorlary júrgizgen reıd kezinde «Toyota Land Cruiser» markaly avtokóliktiń erekshe qorǵalatyn tabıǵı aımaqqa kirgeni anyqtalyp, ol týraly parktiń jedel tobyna habarlanǵan.

«Inspektorlyq top avtokóliktiń izi arqyly Buǵyty taýlary Almasaı aımaǵynda (13 aınalym 88 oram) memlekettik nomeri joq avtokólikti toqtatty. Tekserý barysynda 3 oıyq uńǵyly myltyq, 2 pyshaq, 1 ratsııa jáne arnaıy konteınerge salynǵan et tabyldy», - delingen habarlamada.

Sondaı-aq, avtokólik janynan Sibir taýtekesine uqsas ań terisi tabylǵan.

«Kólikte bolǵan úsh azamat ustaldy. Olar - Almaty oblysy Eńbekshiqazaq aýdany jáne Almaty qalasynyń týmasy», - dep habarlaıdy komıtetten.

Aqparatta aıtylǵandaı, tárkilengen zattar Uıǵyr aýdany polıtsııa bólimine tapsyrylǵan.

Jańalyqtar

Úrdis

MURAǴAT