Abaı oblysy ákiminiń birinshi orynbasary taǵaıyndaldy
2022 jylǵy 29 maýsym 14:31

Abaı oblysy ákiminiń birinshi orynbasary taǵaıyndaldy

SEMEI. QazAqparat – Abaı oblysy ákiminiń birinshi orynbasary bolyp Aıdyn Kárimov taǵaıyndaldy, dep habarlaıdy QazAqparat tilshisi.

Aıdyn Meırambekuly 1988 jylǵy 1 qańtarda dúnıege kelgen. L. Gýmılev atyndaǵy Eýrazııa ulttyq ýnıversıtetin, Qazaq qarjy-ekonomıka akademııasyn, KAZGıÝÝ ýnıversıtetin támamdaǵan.

Eńbek jolyn 2006 jyly bastaǵan. Túrli jyldary QR TJM «Esepteý tehnıkasy, telekommýnıkatsııalar, ınformatıka jáne sıtýatsııalyq taldaý» RMK, «AıTı-Servıs» JShS, «Ulttyq aqparattyq tehnologııalar» AQ, «Telekommýnıkatsııalar salasyndaǵy tehnıkalyq súıemeldeý ortalyǵy» RMK, Astana jáne Semeı qalalary ákiminiń apparattarynda qyzmet etken.

2012-2016 jyldary QR Ekonomıkalyq damý jáne saýda mınıstrliginiń (qazirgi QR Saýda jáne ıntegratsııa mınıstrligi) Halyqaralyq ekonomıkalyq ıntegratsııany retteý departamentiniń dırektorynyń orynbasary, basqarma basshysy, bas sarapshysy bolyp jumys istedi.

2016 jyldan bastap QR Premer-Mınıstri Keńsesiniń qurylymynda jumys isteıdi: 2016-2017 jyldary — Syrtqy baılanystar jáne hattama bólimi meńgerýshisiniń orynbasary, 2017-2019 jyldary — Syrtqy baılanystar jáne hattama bóliminiń meńgerýshisi – QR Premer-Mınıstriniń hattama shefi.

2019 jyldyń sáýir-qarasha aılary aralyǵynda QR Premer-Mınıstri Keńsesiniń Syrtqy ekonomıkalyq yntymaqtastyq jáne hattama bóliminiń meńgerýshisi laýazymyn atqardy.

2019 jyldyń qarasha aıynda QR Premer-Mınıstriniń Keńsesi basshysynyń orynbasary bolyp taǵaıyndaldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT