Abaı oblysy ákiminiń apparat basshysy taǵaıyndaldy
2022 jylǵy 29 maýsym 18:56

Abaı oblysy ákiminiń apparat basshysy taǵaıyndaldy

SEMEI. QazAqparat – Abaı oblysy ákiminiń apparat basshysy bolyp Jasulan Sársebaev taǵaıyndaldy. Ol osyǵan deıin Shyǵys Qazaqstan oblystyq ishki saıasat basqarmasynyń basshysy laýazymyn atqarǵan, dep habarlaıdy QazAqparat tilshisi.

Jasulan Birlikuly Sarsebaev 1986 jyly 22 shildede burynǵy Semeı oblysy Aıagóz qalasynda dúnıege kelgen. Mamandyǵy - zańger.

Eńbek jolyn «Qazaqstandaǵy jas zańgerler qaýymdastyǵy» Respýblıkalyq qoǵamdyq birlestigi Semeı qalasy boıynsha fılıalynyń dırektory bolyp bastaǵan.

Ár jyldarda Shyǵys Qazaqstan oblysynyń ishki saıasat basqarmasynyń dinı birlestikter jáne saıası partııalarmen jumys boıynsha bólimniń bas mamany, mádenıet basqarmasy basshysynyń orynbasary, jastar saıasaty máseleleri basqarmasynyń basshysy qyzmetterin atqarǵan.

2015-2019 jyldary Shyǵys Qazaqstan oblysynyń týrızm jáne syrtqy baılanystar basqarmasynyń basshysy bolyp qyzmet etti.

2019 jyldyń qańtar-tamyz aılary aralyǵynda ShQO ákimi apparatynyń basshysy boldy.

Osy ýaqytqa deıin Shyǵys Qazaqstan oblystyq ishki saıasat basqarmasynyń basshysy laýazymyn atqarǵan.

Esterińizge sala ketsek, buǵan deıin Abaı oblysy ákiminiń birinshi orynbasary taǵaıyndalǵanyn jazǵan edik.


Seriktester jańalyqtary

Jańalyqtar

Úrdis

MURAǴAT