Abaı oblystyq qoǵamdyq keńesiniń tóraǵasy saılandy
2022 jylǵy 18 tamyz 01:08

Abaı oblystyq qoǵamdyq keńesiniń tóraǵasy saılandy

SEMEI. QazAqparat – Abaı oblystyq qoǵamdyq keńesiniń tóraǵasy bolyp Semeı qalasynyń eks-ákimi Meıramhat Aınabekov saılandy, dep habarlaıdy QazAqparat tilshisi.

Semeıde Abaı oblystyq qoǵamdyq keńesiniń alǵashqy otyrysy ótti. Onda keńes tóraǵasy bolyp Meıramhat Aınabekov saılandy. Ol 2007-2011 jyldary Semeı qalasynyń ákimi bolǵan.

Tamyz aıynyń basynda máslıhat sessııasynda oblystyq qoǵamdyq keńestiń quramy bekitilgen edi. Jalpy óńir kóleminde keńeske múshe bolýǵa 86 adam ótinish bergen.

«Barlyǵy 83 úmitker áńgimelesýden ótti. Onyń ishinde 1 úmitker óz erkimen ótinishin qaıtaryp alsa, 2 úmitker áńgimelesýge kelmegen. Ashyq daýys berý arqyly konkýrsqa qatysqandardan 30 adam irikteldi. Bul azamattardyń 15-i bıznes ókili, 4 eńbek ardageri, 4 qoǵam belsendisi, 1 múmkindigi shekteýli azamat, 4 buqaralyq aqparat quraldarynyń ókili, 2 belsendi jas», - delingen Abaı oblysy ákimdigi taratqan málimette.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT