+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

Abaı mereıtoıy: Volonterler ıÝNESKO deńgeıindegi sharalarǵa daıyndalýda

2020 jylǵy 16 aqpan 18:45
Bólisińiz:
Abaı mereıtoıy: Volonterler ıÝNESKO deńgeıindegi sharalarǵa daıyndalýda

ÓSKEMEN. QazAqparat – Óskemende bir jyldyń ishinde volonterlik uıymdardyń sany úsh esege artqan. Búginde olar Abaıdyń 175 jyldyǵyna oraı ıÝNESKO kóleminde bolatyn mereıtoılyq sharalarǵa daıyndyq ústinde. Bul jaıly QazAqparat tilshisine qalalyq Jastar resýrstyq ortalyǵy bazasyndaǵy volonterler ortalyǵynyń jetekshisi Syrym Qaısarbekov aıtyp berdi.

Uqsas jańalyqtar
Jambyldyq eriktiler 10 myń maskany tegin taratty Volonterler 500 myń medıtsınalyq maskany tegin taratty Petropavlda volonterler polıtseılerge joǵalyp ketken boıjetkendi tabýǵa kómektesti

«2011 jyly Óskemen Polıtehnıkalyq kolledjinde oqyp júrgen kezimde volonterlik jumystarǵa qatysa bastadym. Birde qala ákimdigi men Aýǵan soǵysy ardagerleriniń qoǵamdyq birlestigi muqtaj jandar men zeınetkerlerge kómir alyp berdi. Eriktiler qara otyndy ár úıge túsirýge kómektestik. Sol kezde qazynaly qarttardyń janarynan rızashylyqtyń lebin baıqaǵanymda erekshe áserge bólengenim ras. Ózimdi osy baǵytqa arnaǵym keletinin dál osy mezette túsingendeımin», - deıdi ol.

Sóıtip, Syrym Qaısarbekov 2014 jyly qalalyq Jastar resýrstyq ortalyǵyna maman bolyp jumysqa ornalasqan. Erikti retinde san alýan sharalarǵa qatysyp, kópke kómek kórsetýdi ómirlik maqsatyna aınaldyrǵan.

«Shyǵystyń shyńyltyr aıazynda dalada jaýrap turǵan adamdarǵa ystyq shaı usynyp, múmkindigi shekteýli jandardyń, qarttardyń aýlalaryndaǵy qardy kúreımiz. 1 naýryz – Alǵys aıtý kúninde kópbalaly jáne az qamtylǵan otbasylardyń úılerine azyq-túlik aparamyz. Shahardy kógaldandyrý, abattandyrý jumystaryna da qatysamyz. Meniń oıymsha, volonter atanǵysy kelgenderdiń birinshi kezekte adamgershiligi mol bolý kerek. Sodan keıin aınalasyndaǵylarǵa degen súıispenshilik pen qoǵamǵa tıtteı de paıdamdy tıgizsem degen nıet qajet», - deıdi volonter.

Qazirde Óskemen qalasynda 737 volonter bar. Jyl saıyn olardyń sany artyp keledi. Mysaly, byltyr tek 2 joǵary oqý ornynda volonterlik uıym bolǵan. Al bıyl atalmysh uıymdar taǵy 1 ýnıversıtet pen 5 kolledjde ashylǵan.

«Osy jyldyń qańtar aıynyń aıaǵynda Óskemende volonterler ortalyǵy ashyldy. Mundaǵy maqsat – eriktilerdiń sanyn arttyrý, olardy qoǵamdyq jumystarǵa tartý. Sol jerde eki koordınator jumys isteıdi. Bul eriktilerdiń basyn qosyp, aldaǵy josparlardyń búge-shúgesin talqylap otyrýǵa jaqsy múmkindik týdyrdy», - deıdi Syrym Qaısarbekov.

Onyń aıtýynsha, búginde eriktiler Abaıdyń 175 jyldyǵyna oraı Abaı aýdany Qaraýyl aýylynda ıÝNESKO kóleminde bolatyn mereıtoılyq sharalarǵa daıyndalýda. Sondaı-aq toqsan saıyn úzdik volonterlerdi marapattaý úshin tıisti erejeler qurylýda. Al jyl sońynda «Jyldyń úzdik volonteri» jáne «Jyldyń úzdik volonterlik uıymy» atty eki nomınatsııanyń jeńimpazdary anyqtalmaq.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT