+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Abaı mereıtoıy: Nur Otan men Jas Otan 350-den astam is-shara ótkizdi

2020 jylǵy 30 qyrkúıek 19:37
Bólisińiz:
Abaı mereıtoıy: Nur Otan men Jas Otan 350-den astam is-shara ótkizdi

SEMEI. QazAqparat – «Nur Otan» partııasy men «Jas Otan» jastar qanaty uly Abaıdyń 175 jyldyq mereıtoıy aıasynda elimizdiń barlyq óńirinde 350-den astam is-shara ótkizdi. Bul týraly Semeı qalasyna kelgen «Nur Otan» partııasy Tóraǵasynyń birinshi orynbasary Baýyrjan Baıbek aıtty, dep habarlaıdy QazAqparat tilshisi.

Uqsas jańalyqtar
Baýyrjan Baıbek Shymkentte órtenip ketken úıdiń turǵyndarymen kezdesti Abaı ósıeti – óskeleń urpaq úshin aınymas temirqazyq Dıhan Qamzabekuly: Prezıdenttiń «Semeı tezısteri»

«Barshańyzǵa málim, bıyl dana Abaıdyń týǵanyna 175 jyl tolyp otyr. Uly oıshyldyń mereıtoıyn laıyqty atap ótý maqsatynda el Prezıdenti Qasym-Jomart Toqaev arnaıy Jarlyq shyǵaryp, ony qoǵamdyq sanany jańǵyrtatyn eldik is-shara retinde ótkizýdi, Alash qaıratkerleri tý tikken Semeı qalasyn tarıhı ortalyq retinde belgileýdi tapsyrdy.

Qashanda eldigin baıandy, memlekettiligin máńgilik etýdi kózdeıtin ulttar tarıhyna boılap, tuǵyrly tulǵalarynyń asyl oılaryn el damýynyń ózegine aınaldyrady. Elbasy Nursultan Nazarbaevtyń qolǵa alǵan isteriniń túpki túıini de, «Rýhanı jańǵyrý» baǵdarlamasy men «Uly Dalanyń jeti qyry» maqalasy da osynaý uly murattardy kózdeıdi.

Álemdi sharpyǵan indetke qaramastan, aqyn mereıtoıyn atap ótýge baılanysty elimizde birshama aýqymdy jumystar atqaryldy.

Memleket basshysynyń tapsyrmalary aıasynda hakim Abaıdyń týǵan jerinde atqarylyp jatqan jumystardy qadaǵalaý maqsatymen búgin Semeı qalasyna arnaıy keldim.

Shyǵys Qazaqstan oblysynyń ákimi Danıal Ahmetovpen birge shahardaǵy qaıta jóndeýden ótkizilgen Abaı alańynda, Abaı atyndaǵy teatrda bolyp, ary qaraı Jıdebaıǵa attandym. Uly oıshyldyń rýhyna taǵzym etip, aqyn urpaqtarymen, el aǵalarymen kezdestim. El jaıy, rýhanııat máselesi áńgime arqaýyna aınalyp, belgili qalamger Tólegen Janǵalıev aqsaqal Elbasy, Nursultan Nazarbaevtyń da el Prezıdenti retindegi alǵashqy qadamyn Abaı elinen bastaǵanyn, osy joldy búginde Memleket basshysy Qasym-Jomart Toqaev ta jalǵastyrǵanyn esine aldy.

Jalpy, Abaıdyń 175 jyldyǵyn atap ótý aıasynda úlkendi-kishili 500-ge jýyq is-shara josparlanǵan. Tek Abaı aýdanynyń ózinde ǵana mereıtoıdy uıymdastyrý aıasynda irgeli jobalar iske asyrylǵan. Abaıdyń týǵan jeri – Syrt Qasqabulaqta Memorıaldyq keshen boı kótergen. Abaıdyń ákesi jerlengen Aqshoqy mekeni abattandyrylyp, Qunanbaı Óskenbaıuly murajaıy salyndy. Jıdebaıdaǵy «Abaı - Shákárim» keshenine, Abaıdyń mýzeı-úıine zamanaýı talaptarǵa saı jóndeý jumystary júrgizilgen.

Elimizdiń ózge aımaqtary da Abaı mereıtoıyna óz úlesterin qosýda. Óz kezeginde «Nur Otan» partııasy men «Jas Otan» jastar qanaty da osy mereıtoı aıasynda elimizdiń barlyq óńirinde 350-den astam is-shara ótkizdi.

Uly Abaıdy ulyqtaý, murasyn nasıhattaý isi ary qaraı jalǵasa beredi.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT