+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Abaı kúni qalaı atap ótiledi

2020 jylǵy 9 tamyz 14:40
Bólisińiz:
Abaı kúni qalaı atap ótiledi

NUR-SULTAN. QazAqparat - Erteń, 10 tamyzda elimizde qazaqtyń uly aqyny Abaıdyń 175 jyldyq mereıtoıy atalyp óteledi. Mereıtoı aıasynda respýblıka boıynsha 100-den astam shara uıymdastyrylady, dep habarlaıdy QazAqparat tilshisi Mádenıet jáne sport mınıstrliginiń baspasóz qyzmetine silteme jasap.

Uqsas jańalyqtar
Estonııada Abaı men ál-Farabıge arnalǵan poshta markalary jaryqqa shyqty Ábý-Dabıde «Abaı» mádenı-tanymdyq zaly ashyldy Qazaqstandyq kompozıtor «Abaı syry» atty kúı shyǵardy

Koronavırýs indetine baılanysty barlyq is-shara onlaın formatta ótip jatqany belgili. 10 tamyz kúni de Hákim Abaı mereıtoıy aıasyndaǵy respýblıka kólemindegi bar is-shara onlaın túrinde uıymdastyrylady.

Sonymen 10 tamyzǵa Semeıdegi Abaıdyń «Jıdebaı-Bórili» memlekettik tarıhı-mədenı jəne ədebı-memorıaldyq qoryǵy «Həkim Abaı» atty arnaıy mədenı baǵdarlama daıyndap, is-sharalar legin Qazaqstan ulttyq telearnasyndaǵy «Tańsholpan» baǵdarlamasy arqyly tikeleı efırge shyǵýmen bastaıdy. Osydan keıin mereke óńirlerdegi tanymal mədenıet jəne óner qaıratkerleriniń Abaı shyǵarmalaryn oqýymen jalǵasady.

Dəl osy kúni Semeıdegi «Jıdebaı-Bórili» memlekettik tarıhı-mədenı jəne ədebı-memorıaldyq qoryǵynda «Abaı jáne HHІ ǵasyr: bolashaqpen suhbat» atty halyqaralyq konferentsııa ótedi. Jıynǵa tanymal ǵalymdar, abaıtanýshylar, Reseı Federatsııasy Ədebıet akademııasynyń akademıgi G. Prıahın, túrli mədenı jəne JOO basshylary qatysady.

Sonymen qosa təýlik boıy ınternet arqyly Abaı qoryq-mýzeıi, «Abaı-Shəkərim» mavzoleıine vıdeoekskýrsııa jasaýǵa, Abaı mýzeıindegi eksponattar jaıly túrli beınebaıandar tamashalaýǵa bolady.


Jyl basynan beri aqynnyń týyp-ósken ólkesinde Abaı esimimen baılanysty tarıhı-mədenı mura nysandaryna ǵylymı restavratsııa jumystary júrgizilip jatqanyn aıta ketý kerek.

Sonymen qatar 10 tamyzda 15:00-de halyqaralyq deńgeıde Abaı óleńderin halyqaralyq 8 tilde (frantsýz, aǵylshyn, arab, ıspan, qytaı, japon, nemis, ıtalıan tilderinde) oqýǵa arnalǵan «Abai world challenge» atty vıdeomarafon bastaý alady. Atalǵan chellendjge Abaı shyǵarmashylyǵyn zerttep júrgen əlemniń túkpir-túkpirindegi ǵalym-zertteýshiler, aýdarmashy, jazýshy, zııaly qaýym ókilderi, shet memleketterdegi Qazaqstan Respýblıkasynyń Tótenshe jəne Ókiletti Elshileri qatysady.

Jalpy 10 tamyz kúni respýblıka boıynsha 100-ge jýyq is-shara ótedi. Bul is-sharanyń barlyǵy Mədenıet jəne sport mınıstrliginiń Facebook, Instagram, Youtube paraqshalarynda tikeleı kórsetiledi.


Sondaı-aq osy kúni əleýmettik beınebaıandar men qysqa metrajdy fılmderge arnalǵan «Abaıdyń murasy – adamzat qazynasy» atty onlaın-festıval bastalady.

Əlemdik deńgeıdegi oıshyl óz shyǵarmalarynda eńbeksúıgishtikti, bilimge qushtarlyqty, danalyqty, qaıyrymdylyq pen otanǵa degen mahabbatty nasıhattaǵan. Əri aqyn oı men júrek tazalyǵyna aıryqsha mən bergen. Hákim Abaıdyń danalyǵy men fılosofııalyq kózqarasy ǵasyrlar ótse de óziniń mən-mańyzy men ómirsheńdigin joımaq emes.

Biz birtutas qoǵam retinde aqyn shyǵarmalaryn tek bıyl mereıtoı aıasynda ǵana qurmettep qana qoımaı, shyǵarmalaryn ózimizdi-ózimiz taný jolynda aınymas temirqazyqqa aınaldyrýymyz qajet.

Mereke kúni elordamyz ben óńirlerde kemeńger oıshyldy eske alý maqsatynda gúl shoqtaryn qoıý rəsimi ótedi.

Aıta keteıik, taıaýda ǵana 10 tamyz Abaı kúni retinde belgilenip, Qazaqstan Respýblıkasynyń memlekettik merekeler kúntizbesine engizilgen bolatyn.



Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT