+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Abaı «Qara sózderi» alǵash ret ındonezııa tiline aýdaryldy

2020 jylǵy 30 qyrkúıek 20:33
Bólisińiz:
Abaı «Qara sózderi» alǵash ret ındonezııa tiline aýdaryldy

DJAKARTA. QazAqparat – Búgin Qazaqstan Respýblıkasynyń Indonezııadaǵy Elshiligi QR Ulttyq akademııalyq kitaphanasymen birge uly Abaı «Qara sózderiniń» ındonezııa tiline aýdarylǵan nusqasynyń onlaın- tusaýkeserin ótkizdi, dep habarlaıdy QazAqparat.

Uqsas jańalyqtar
Lıýksembýrgte Abaıdyń 175 jyldyǵyna arnalǵan kontsert ótti Abaı ósıeti – óskeleń urpaq úshin aınymas temirqazyq Dıhan Qamzabekuly: Prezıdenttiń «Semeı tezısteri»

QR Syrtqy ister mınıstrliginen málim etkendeı, qazaq fılosofy jáne aǵartýshysynyń 175 jyldyǵyna arnalǵan onlaın-sharaǵa Qazaqstan, Indonezııa jáne Malaızııadan qatysýshylar, sonyń ishinde Qazaqstan men Indonezııa elshileri, Indonezııa Parlamentiniń ókilderi, eki eldiń ulttyq kitaphanalarynyń basshylary, Indonezııa akademııalyq toptary, jazýshylar, sonymen qatar Indonezııa-Qazaqstan dostar klýbynyń músheleri qatysty.

Qazaqstannyń Indonezııadaǵy Elshisi Danııar Sarekenov is-sharanyń ashylý saltanatynda Abaıdyń álemniń kóptegen tilderine aýdarylǵan eń jarqyn týyndylarynyń biri bolyp tabylatyn «Qara sózder» ındonezııalyq oqyrmandar úshin alǵash ret usynylyp otyrǵanyn jáne olar dana aqynnyń shyǵarmalary arqyly qazaq halqynyń rýhanı baılyǵy men mádenıetin bile alatyn atap ótti. Qazaqstandyq dıplomat «Qara sózderdiń» kóptegen oılary men tujyrymdary áli kúnge ózektiligin joǵaltpaǵanyn jáne álem halyqtarynyń ortaq murasy bolyp tabylatynyn basa aıtty.

Kitap kirispesiniń avtorlarynyń biri – Indonezııanyń Qazaqstandaǵy Elshisi Rahmat Pramono – óz sózinde Abaı shyǵarmalary adamı qarym-qatynastar týraly keshendi oılar jáne qoǵam men ulttyń ómiri boıynsha fılosofııalyq qorytyndalary ekenin atap ótti. «Kitaptyń ındonezııa tilinde shyǵýy eki el halyqtary arasyndaǵy mádenı túsinistikti nyǵaıtýǵa yqpal etetinine senimdimin», - dep qorytyndylady ındonezııalyq dıplomat.

Indonezııa Respýblıkasy Parlamenti Ókilder palatasy Parlamentaralyq yntymaqtastyq komıtetiniń tóraǵasy, Ókilder palatasynyń burynǵy vıtse-spıkeri doktor Fadlı Zon qazaqtyń uly aǵartýshysy jáne aqynynyń shyǵarmalaryn ındonezııa tiline alǵashqy aýdarmasy eki el halyqtarynyń mádenı almasýy men ózara túsinistigin ilgeriletýde mańyzdy ról atqaratynyn atap ótti. Sondaı-aq bolashaqta qazaqstandyq oqyrmandar Indonezııanyń áıgili aqyndary men oıshyldarynyń shyǵarmalarymen tanysa alady dep senim bildirdi.

Nur-Sultandaǵy QR Ulttyq akademııalyq kitaphanasynyń basshysy Úmithan Muńalbaeva qatysýshylarǵa álemdik deńgeıdegi qazaqtyń danyshpany sanalatyn ǵulamanyń ómirlik joly men rýhanı eńbegi týraly tereń de jan-jaqty maǵlumat berdi.

Indonezııa Ulttyq kitaphanasynyń basshysy Sharıf Bando Abaıdyń ındonezııa tilindegi «Qara sózderdiń» aýdarmasynyń birinshi basylymyn qýana qarsy aldy jáne Qazaqstan men Indonezııa halyqtary arasyndaǵy mádenı yntymaqtastyqty jáne dostyq baılanysty nyǵaıtý maqsatynda eki eldiń ulttyq kitaphanalary arasyndaǵy ózara is-qımyldy damytýdyń mańyzdylyǵyn atap ótti.

Іs-sharanyń jarqyn sátteriniń birine aınalǵan Qurmanbek Álimǵazyuly men Serik Ábildiń oryndaýyndaǵy Abaıdyń eń áıgili «Kózimniń qarasy» jáne «Jelsiz túnde jaryq aı» ánderi boldy.

Indonezııa tilindegi «Qara sózderdiń» aýdarmasy eki eldiń ulttyq kitaphanalaryna tabystalady, sondaı-aq olardyń elektrondy kitaphanalarynda ornalastyrylatyn bolady.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT