+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Abaı atyndaǵy kórkemsóz baıqaýynyń jeńimpazdary anyqtaldy

2019 jylǵy 20 qyrkúıek 17:24
Bólisińiz:
Abaı atyndaǵy kórkemsóz baıqaýynyń jeńimpazdary anyqtaldy

TALDYQORǴAN. QazAqparat - Búgin Taldyqorǵan qalasynda Qazaqstan halqy tilderi kúnine oraı dástúrli Abaı atyndaǵy kórkemsóz oqý sheberleriniń respýblıkalyq baıqaýy ótkizildi, dep habarlaıdy QazAqparat.

Іlııas Jansúgirov atyndaǵy mádenıet saraıynda ótken baıqaýdy Mádenıet jáne sport mınıstrliginiń Til saıasaty komıteti uıymdastyrdy.

Kórkemsóz oqý sheberleriniń respýblıkalyq baıqaýyna elimizdiń oblystary jáne Nur-Sultan, Almaty, Shymkent qalalarynda ótken konkýrstardyń 16 jeńimpazy qatysty.

Ásirese, kórermenderdi oqý sheberligimen tántti etken Aıjan Alqabek, Aısana Áshimhan, Mádı Sáýlebek, Erlan Nurlanov, Álııa Bolatova, Erbaq Qurmetjan mátindi mánerine jetkizip kórermen júregine jol saldy. Olar qazaqtyń tól dybystaryn ashyq, naqty mánerli ári áýezdi jetkizdi.



Sahna tórinde Beıimbet Maılınniń, Sáken Seıfýllınniń kórkemdigi joǵary prozalyq shyǵarmalarynan úzindi oqyldy.

Sondaı-aq Sábıt Dónentaevtyń, Іlııas Jansúgirovtyń jáne Farıza Ońǵarsynovanyń poezııalyq shyǵarmalarynan oqylǵan jyr desteleri kópshilik iltıpatyna ıe boldy.

Qazylar alqasynyń tóraǵasy belgili aqyn, Memlekettik syılyqtyń ıegeri Tynyshtyqbek Ábdikárim, ádebıet synshysy Tursynjan Shapaı, dástúrli ánshi Erlan Rysqalı, teatr, kıno jáne dýblıaj akteri Azamat Sharyn, professor, fılologııa ǵylymdarynyń doktory Muratbek Imanǵazınov Abaı atyndaǵy kórkemsóz oqý sheberleriniń jeńimpazdaryn anyqtady.


Baıqaýdyń bas júldesi Aıjan Alqabekke buıyrdy. Al, birinshi júlde Mádı Sáýlebekke, ekinshi Erbaq Qurmetjanǵa, úshinshi júlde ekeý ony Álııa Bolatova men Aısana Áshimhan ózara bólisti. Jeńimpazdary dıplomdar jáne baǵaly syılyqtarmen marapattalady.

Aıta keterligi, baıqaý – qazaq tiliniń kórkemdik ereksheligin, baı sózdik qoryn nasıhattaý, Abaı jáne basqa da qazaq ádebıeti klassıkteriniń shyǵarmalaryn oryndaý arqyly qazaqtyń kórkem ádebıetine jastardyń yqylasyn arttyrýdy kózdeıdi.





Bizdiń kanalymyzǵa jazylyńyz:

Basty sózder: Almaty oblysy, Mádenıet, #Abai175,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT