+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Abaı áni Túrkııanyń Kappadokııa óńirinde shyrqaldy

2019 jylǵy 13 jeltoqsan 19:43
Bólisińiz:
Abaı áni Túrkııanyń Kappadokııa óńirinde shyrqaldy

ANKARA. QazAqparat - Túrkııada Qazaqstan Respýblıkasynyń Táýelsizdigi merekesin toılaý sharalary jalǵasýda, dep habarlaıdy QazAqparat tilshisi.

Táýelsizdik toıy 11 jeltoqsanda Qazaqstannyń Túrkııadaǵy Elshiliginiń resmı qabyldaýymen bastaldy. Resmı qabyldaýǵa Nur-Sultan qalasy ákimdigi Memlekettik akademııalyq fılarmonııasynyń Qazaq orkestri men «Qorqyt ata» kóne aspaptar saz toby arnaıy keldi.

12 maýsymda 50-den astam qazaqstandyq ónerpaz Ankara turǵyndaryna kontsert qoıdy jáne búgin Túrkııanyń eń tanymal týrıstik aımaǵy - Kappadokııada óner kórsetti.

«Bul aıtýly sharaǵa Túrkııadaǵy Qazaqstan Elshiliginiń shaqyrýymen keldik. Qazaqstannyń Táýelsizdik merekesine oraı, Túrkııanyń birneshe qalasynda óner kórsetý josparda bar. Ásirese, ulttyq mýzykamyzdy Kappadokııa syndy týrıst kóp keletin tarıhı oryndarynda nasıhattaý da utymdy sheshim boldy», - dedi Memlekettik akademııalyq fılarmonııanyń Qazaq orkestriniń kórkemdik jetekshisi jáne bas dırıjeri Aıtqalı Jaıymov QazAqparat tilshisine bergen suhbatynda.

Kontserttik baǵdarlama Túrkeshtiń «Kóńilasharymen» bastaldy. Qorqyttyń «Jelmaıa», Qurmanǵazynyń «Adaı», Nurǵısa Tilendıevtiń «Ata tolǵaýy» shyǵarmalary oryndaldy. Sonymen birge, Memlekettik fılarmonııa solısi Altynbek Ábilda Abaıdyń «Aıttym sálem, Qalamqas» ánin shyrqady.

Aıta keteıik, Memlekettik akademııalyq fılarmonııasynyń Qazaq orkestri men «Qorqyt ata» kóne aspaptar saz toby búgin Nıde qalasynda, 14 jeltoqsanda - Býrsada, 16 jeltoqsan kúni Ystanbul qalasynda kontsert qoıady.

Aıta keterligi, Kappadokııa – sheteldikter úshin qyzyqty Túrkııanyń týrıstik nysan­darynyń biri. Ejelgi dáýirde jáne orta ǵasyrlarda Kappadokııa saraılarymen áıgili bolǵan. Sol saraılar, jerasty qalalary, úńgirdegi úıler, túrli pishindi taýlar, jartas qýysyna oıyp salynǵan shirkeýler týrısterdiń qyzyǵýshylyǵyn týdyrady.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT