+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Abaı ánderi «Qazaqkontserttiń» ár kontsertinde shyrqalady - Jeńis Seıdýllauly

2020 jylǵy 29 qańtar 21:53
Bólisińiz:
Abaı ánderi «Qazaqkontserttiń» ár kontsertinde shyrqalady - Jeńis Seıdýllauly

NUR-SULTAN. QazAqparat – «Qazaqkontsert» memlekettik kontserttik uıymynyń dırektory Jeńis Seıdýllauly Abaıdyń ánderi Qazaqkontserttiń ár kontsertinde shyrqalyp, uly baba murasyn urpaqqa jetkizý isine jiti mán beriletinin aıtady, dep habarlaıdy QazAqparat tilshisi.

Uqsas jańalyqtar
SQO-da joǵary oqý ornyna jáne qazaq mektebine Abaı esimi beriledi Pavlodarlyq oqýshylar Abaı óleńderin 9 tilde jatqa oqydy Reseıdiń Esil qalasynda Abaı atyndaǵy qazaq tili synyby ashylady

«Urpaqtan-urpaqqa jalǵasqan rýhanı qazynany mura etken uly Abaıdyń taǵylymyna tereń boılaǵan saıyn «kókirek kóziń ashylady». Jalpy, sońǵy ýaqytta rýhanı máselelerge erekshe kóńil bólinip júrgenin baıqaımyz. Elbasynyń «Bolashaqqa baǵdar: rýhanı jańǵyrý» maqalasynan bastaý alǵan «Uly dalanyń jeti qyry» jáne memleket basshysy Qasym-Jomart Toqaevtyń «Abaı jáne HHІ ǵasyrdaǵy Qazaqstan» maqalasy - soǵan dálel», - deıdi Jeńis Seıdýllauly.

Jeńis Seıdlýllauly Abaı hakimniń «Adamnyń adamshylyǵy isti bastaǵanynan bilinedi, qalaısha bitirgendiginen emes» degen jaqsy sózi baryn eske saldy.

«Biz Memleket basshysynyń el tarıhyndaǵy jańa onjyldyqty osyndaı aýqymdy baǵdarlamadan bastap, ulttyq ıdeıany Abaıdyń taǵylymǵa toly murasy arqyly qalyptastyryp jatqanyna kýámiz. Menińshe, bul óte jaqsy baǵyt, sebebi Abaıdy taný sanamyzǵa serpilis ákeledi. Bul elimiz úshin Abaıdy jańasha tanýdyń, jańasha baǵalaýdyń úlken joly dep bilemiz. Abaı atamyzdyń baı murasy, poezııasynyń ǵajap qýaty, ósıet-ónegesi ýaqyt ótken saıyn óziniń kókeıkestiligin joǵaltpaı, kerisinshe ózektiligi artýda. Sondyqtan Prezıdenttiń «Abaı sózi urpaqtyń baǵyt alatyn temirqazyǵyna aınalýy qajet» degen sózin negizge ala otyryp, biz rýhanı sanamyzdyń jańǵyrýy jolynda Uly Abaıdyń eńbekterin taǵy bir saralap, ómirimizdiń ár salasynda durys paıdalanýdy oılastyrǵanymyz abzal», - deıdi ol.

«Qazaqkontsert» basshysynyń sózinshe, poetıkalyq jáne kompozıtorlyq týyndylarymen qazaq mýzykasyna jańa lep ákelgen Abaıdyń án murasy erekshe sulýlyǵymen, kórkemdik baılyǵymen, áýezdiligimen qundy. Buǵan qosa, óskeleń urpaqqa berer tárbıelik máni Abaı ánderiniń qundylyǵyn arttyra túsedi

«Endigi maqsat – osy óshpes murany óskeleń urpaqtyń sanasyna sińirýge úles qosý, respýblıkalyq jáne álemdik deńgeıde nasıhattaýǵa baǵyttalǵan ıgi sharalardy júzege asyrý. Osy oraıda «Qazaqkontsert» memlekettik kontserttik uıymy ıgi bastamany qolǵa aldy. Uly aqynnyń 175 jyldyǵy aıasynda ótkiziletin aýqymdy jobalardan bólek, Abaıdyń ánderi «Qazaqkontserttiń» ár kontsertinde shyrqalmaq. Ár kontsertte qulaqtan kirip, boıdy alar ánder shyrqalsa, uly aqynnyń án murasy halyqqa jaqyn bola túsip, rýhanı qudiretimen qýattandyra bermek. Bul ıgi bastama barsha respýblıkalyq, oblystyq, qalalyq jáne aýdandyq óner uıymdary tarapynan qoldaý tapsa, qazaq óneriniń mereıi arta túsedi degen oıdamyn», - dep túıdi ol.


Bizdiń kanalymyzǵa jazylyńyz:

Basty sózder: Mádenıet, Ádebıet, Óner, #Abai175,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT