+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

Abaı 175 jyl: Berdibek Saparbaev kópshilikpen birge kontsert-kompozıtsııany tamashalady

2020 jylǵy 27 aqpan 06:01
Bólisińiz:
Abaı 175 jyl: Berdibek Saparbaev kópshilikpen birge kontsert-kompozıtsııany tamashalady

TARAZ. QazAqparat – Oıshyl aqyn Abaı Qunanbaevtyń 175 jyldyǵyna oraı Taraz qalasyndaǵy «Balasaǵun» ortalyq kontsert zalynda «Jelsiz túnde jaryq aı» atty kontsert-kompozıtsııa ótti.

Uqsas jańalyqtar
Elordada memlekettik kontserttik uıymdardyń respýblıkalyq ortalyǵy ashyldy

Tulǵa mereıtoıynyń óńirde resmı túrde bastaý alýyna arnalǵan saltanatty sharany oblys ákimi Berdibek Saparbaev kópshilikpen birge tamashalady, - dep habarlaıdy QazAqparat.

Shara aıasynda atalǵan kontsert zalynyń foesine aqyn muralarynan ázirlengen kórme jasaqtaldy.

Keshte K.Ázirbaev atyndaǵy oblystyq fılarmonııa men A.Toqpanov atyndaǵy oblystyq qazaq drama teatrynyń shyǵarmashylyq ujymy ónerlerin ortaǵa saldy. Jınalǵan jurtshylyq nazaryna eń aldymen LED ekran arqyly «Tarıh. Taǵdyr. Tulǵa» atty derekti fılm usynyldy.

Al negizgi ádebı sazdy is-shara tanymal dırıjer Adaı Jumat dırıjerlik etken Qazaq ult aspaptar orkestriniń oryndaýyndaǵy Abaıdyń «Torjorǵa» kúıimen ashyldy. «Mereı» toby jáne «Sholpy» bı ansambli «Jelsiz túnde jaryq aı» ánin júrekke jetkizse, «Óleń - sózdiń patshasy, sóz sarasy» týyndysyn oblystyq teatr ártisteri naqyshyna keltire oqytyp, jan tebirentti.

Mádenıet salasynyń úzdigi Janatbek Kádirov Qazaq ult aspaptar orkestriniń súıemeldeýimen hákimniń áıgili «Kózimniń qarasy» ánin sharyqtata shyrqady. Odan keıin teatr ártisteri Abaıdyń «Jigitter, oıyn arzan, kúlki qymbat», «Qajymas dos halyqta joq», «Segiz aıaq» týyndylarynan quralǵan áserli kompozıtsııany sahanalap, kópshiliktiń qoshemetine bólendi.

Mádenıet salasynyń úzdigi Aıgúl Maqasheva jáne Sulýjan Ábenova «Segiz aıaq» ánin oryndap, sezim pernelerin dóp bassa, teatr ártisteri «Abaı men Toǵjannyń», «Abaı men Áıgerimniń» poetıkalyq kórinisterin ǵajap somdap, kópshiliktiń qoshemetine bólendi.

Abaı operasynan «Ajardyń arııasy», aqynnyń A.Pýshkınnen aýdarǵan «E.Onegınniń Tatıanaǵa jazǵan haty», «Aıttym sálem, Qalamqas» atty sazdy shyǵarmalary da, «Esińde bar ma jas kúniń?», «Ǵashyqtyń tili tilsiz til», «Sap, sap, kóńilim, sap, kóńilim!», «Ólsem ornym qara jer syz bolmaı ma?» atty tereń fılosofııalyq hám lırıkalyq óleńderi de kóńil terbetti.

Shara sońynda ónerpazdarǵa óńir basshysy Berdibek Mashbekulynyń yqylas gúli saltanatty túrde tabys etildi.


Bizdiń kanalymyzǵa jazylyńyz:

Basty sózder: Jambyl oblysy, Mádenıet, #Abai175,
Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT