+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

#Abai175: Bilim jáne ǵylym mınıstri Prezıdent joldaǵan estafetany qabyl aldy

2019 jylǵy 10 shilde 13:25
Bólisińiz:
#Abai175: Bilim jáne ǵylym mınıstri Prezıdent joldaǵan estafetany qabyl aldy

NUR-SULTAN. QazAqparat - QR Bilim jáne ǵylym mıınstri Ashat Aımaǵambetov Abaı Qunanbaıulynyń óleńderinen úzindi oqydy, dep habarlaıdy QazAqparat.

Uly aqynnyń 175 jyldyǵyna oraı uıymdastyrylǵan estafetany mınıstrge QR Prezıdenti Qasym-Jomart Toqaev joldaǵan bolatyn.

«Uly Abaıdyń jas urpaqtyń bilim alyp, ǵylymdy ıgerýge aıryqsha mán bergeni onyń óleńderinen, qara sózderinen baıqalady. Abaı atamyz ár adamdy eń birinshi kezekte ózine jáne bilimine senýge shaqyrady», - dedi A. Aımaǵambetov.

Ol Abaıdyń «Senbe jurtqa, tursa da qansha maqtap» óleńin jatqa oqydy.

Senbe jurtqa, tursa da qansha maqtap,

Áýre etedi ishine qýlyq saqtap.

Ózińe sen ózińdi alyp shyǵar

Eńbegiń men aqylyń eki jaqtap.

Ózińdi sengishtikpen áýre etpe,

Qumarpaz bop maqtandy qýyp ketpe.

Jurtpen birge ózińdi qosa aldasyp,

Salpyldap saǵym qýǵan boıyńa ep pe?

Qaıǵy kelse qarsy tur, qulaı berme,

Qyzyq kelse, qyzyqpa, ońǵaqqa erme.

Júregińe súńgi de,túbin kózde,

Sonan tapqan-shyn asyl tastaı kórme.

Kezekti estafetany mınıstr elimizdiń bilim jáne ǵylym salasynyń qyzmetkerlerine, ustazdarǵa, JOO rektorlaryna, oqýshylar men stýdentterge joldady.

Aıta ketsek, áleýmettik jelilerde qazaqtyń uly aqyny Abaıdyń óleńderin oqý naýqany bastaldy.



Bul challenge-di jeli qoldanýshylary taratyp jatyr. Challenge #abai175 heshtegimen belgilengen. Qazirgi ýaqytta jarııalanymdar sany kún saıyn artýda. Sondaı-aq, QR Prezıdenti mamyr aıynda Abaıdyń 175 jyldyq mereıtoıy týraly Jarlyqqa qol qoıǵan bolatyn.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT