+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Abaev shetelden ákelingen kólikterge qatysty: Eshkimge jeńildik berilmeıdi

2020 jylǵy 6 aqpan 21:18
Bólisińiz:
Abaev shetelden ákelingen kólikterge qatysty: Eshkimge jeńildik berilmeıdi

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev EAEO elderinen jetkizilgen kólikterdi tegin tirkeý usynysyna pikir bildirdi, dep habarlaıdy QazAqparat tilshisi.

«Qazaqstannyń barlyq azamattary kólik tirkeýi úshin aqsha tóleıdi. Munda eshkimge jeńildik berilmeıdi. Іshki ister mınıstrligi zertteý júrgizip, bir adamnyń birneshe kólik ákelgenin anyqtady. Mysaly, Almaty oblysynyń turǵyny 70 kólik ákelgen, Atyraý oblysynyń eki turǵyny 80 kólik jetkizgen. Muny jekelegen jaǵdaılar dep aıtýyńyz múmkin. Biraq, jalpy statıstıkada 500 qazaqstandyq 5 jáne odan kóp kólik tasyǵan», - dedi mınıstr «Habar» arnasyndaǵy «Ashyq dıalog» baǵdarlamasynda.

Onyń aıtýynsha, bul adamdar kólikti sońǵy aqshasyna alǵan joq, o basta zańnan ilik izdep, paıda tabý maqsatyn kózdegen.

«Mundaı kólikterdiń ıeleri júıeli túrde jol erejesin buzyp kelgen. Shamamen 1 mlrd teńgege quqyqbuzýshylyq tirkelgen jáne onyń 90% áli tólengen joq. BMW markaly avtokólik ıesi 450 ret ereje buzǵan. Quddy bir ádeıi jasaıtyndaı. Bul rette mańyzdy sharalar qabyldaý qajet. Árıne, úıde otyryp syn aıtý, memleketti kinálaý ońaı. Biraq, sol jigit qanshama kinásiz adamdardyń ómirin qııýy múmkin edi», - dedi D. Abaev.

Eske salaıyq, Memleket basshysy Qasym-Jomart Toqaev 24 qańtar kúni ótken Úkimettiń keńeıtilgen otyrysynda Qazaqstannyń zańnamasyna saı kelmeıtin sheteldik kólikterdi elge kirgizbeýdi tapsyrdy.

Sondaı-aq Úkimetke bir aıdyń ishinde Qazaqstan azamattarynyń EAEO elderinen ákelgen kólikterin ýaqytsha tirketýdi tapsyrdy.

«Bul kólikterdiń tirkelýi 2021 jyldyń 1 naýryzyna deıin kúshinde bolady. Mundaı kólikter tehnıkalyq reglamenttiń talaptaryna saı bolýy kerek. Sondaı-aq, tirkeý somasy men memlekettik bajdy tóleýi tıis. Ýaqytsha tirkeý bir qoldan ekinshi qolǵa satylyp baryp, jasalmaýy tıis. 2021 jyldyń 1 naýryzyna deıin avtokólik ıeleri kólikterin turaqty tártipte tirkep, kedendik baj ben ýtılızatsııalyq somany tóleýi tıis. Bolmasa ol kólikti elden shyǵarýy nemese zańnamamen tyıym salynbaıtyn basqa da amalmen máselesin retteýi qajet. Úkimetke Qazaqstannyń zańnamasyna qaıshy keletin kólikterdi budan ary kirgizbeýdi jáne paıdalanýǵa shekteý qoıý sharalaryn qolǵa alýdy tapsyramyn», - dedi Memleket basshysy.



Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT