FÝTBOLDAN ÁLEM ChEMPIONATY-2022
  Jańalyqtar  >

Abaev: Kóshpendiler oıyndaryn Qazaqstanda ótkizý – asa jaýapty jumys

2022 jylǵy 3 qazan, 15:16
Abaev: Kóshpendiler oıyndaryn Qazaqstanda ótkizý – asa jaýapty jumys

ASTANA. QazAqparat - V Dúnıejúzilik kóshpendiler oıyndarynyń estafetasy Qazaqstanǵa tabys etildi. Bul týraly QR Mádenıet jáne sport mınıstri Dáýren Abaev aıtty, dep habarlaıdy QazAqparat tilshisi.

«Súıinshi, aǵaıyn! Memleket basshysynyń tikeleı tapsyrmasymen Mádenıet jáne sport mınıstrligi delegatsııasy IV Dúnıejúzilik kóshpendiler oıyndaryna qatysý úshin Túrkııaǵa arnaıy baryp, aqjoltaı jańalyqpen oralyp otyr. Sapar barysyndaǵy ózekti máselelerdiń biri – Qazaqstanda V Oıyndardy ótkizý jónindegi kelissózder bolatyn. Nátıjesinde, Túrkııanyń Jastar jáne sport mınıstri Mehmet Kasapoglý keshe saltanatty túrde atalǵan aýqymdy sharanyń estafetasyn elimizge tabys etti. ıAǵnı, resmı túrde Qazaqstan – 2024 jylǵy besinshi Dúnıejúzi kóshpendiler oıyndaryn ótkizýshi memleket retinde belgilendi», - dep jazdy B. Abaev áleýmettik jelidegi paraqshasynda.

Osy oraıda kóshpendiler oıyndaryn Qazaqstanda ótkizý asa jaýapty jumys ekenin aıtty.

«Myńjyldyqtardyń murasyna ıe, kóshpeli dala saltyn ulyqtaǵan el retinde bul dúbirli dodany joǵary deńgeıde ótkizemiz dep senemin. Keshe Túrkııa tórinde el namysyn qorǵap, erekshe nátıje kórsetken barlyq jeńimpazdy taǵy da shyn júrekten quttyqtaımyn! At ústindegi Alash rýhynyń aıbyny arta bersin!», - dedi mınıstr.

Budan buryn habarlanǵandaı, Túrki qoǵamdastyǵy V Dúnıejúzilik kóshpendiler oıyndaryn 2024 jyly Qazaqstanda ótkizý jónindegi usynysty biraýyzdan qoldady.

IV Dúnıejúzilik kóshpendiler oıyndarynda qazaq sportshylary 9 medal jeńip aldy, onyń ishinde 3 altyn, 4 kúmis jáne 2 qola.


Seriktester jańalyqtary

Jańalyqtar