AÁK jáne turǵyn úı kómegin alatyn otbasylarǵa gaz baǵasy 20% arzan bolady
2022 jylǵy 6 maýsym 16:05

AÁK jáne turǵyn úı kómegin alatyn otbasylarǵa gaz baǵasy 20% arzan bolady

NUR-SULTAN. QazAqparat - Memleket basshysynyń tapsyrmasymen Tabıǵı monopolııalardy retteý komıteti tutynýshylardyń toǵyzynshy tobyn bólý jumysyn júrgizip jatyr. Bul sanatqa memlekettik ataýly áleýmettik kómek jáne turǵyn úı kómegin alatyn tutynýshylar kiredi, dep habarlaıdy QazAqparat.

Bul jumysty komıtet qoǵamdyq mańyzy bar naryqta baǵa belgileý qaǵıdasyna ózgerister men tolyqtyrýlar engizý arqyly júzege asyrdy.

Nátıjesinde 1 sáýirden bastap pılottyq joba aıasynda Taraz jáne Oral qalalarynda joǵaryda atalǵan toptyń azamattary taýarlyq gazdy 20% tómendetilgen baǵamen alady, al bul - 3 myńnan astam tutynýshy.

Bul toptyń tutynýshylaryna sáýir aıyndaǵy túbirtekte gazdyń jańa baǵasy belgilendi.

Sonymen qatar, búgingi kúni jergilikti atqarýshy organdarmen jáne uıymdarmen birlesip, «QazaqGaz» UK» AQ enshiles kompanııasynyń «QazTransGaz Aımaq» AQ aqparattyq júıelerin elektrondyq úkimet shlıýzi arqyly QR Eńbek jáne halyqty áleýmettik qorǵaý mınıstrliginiń «Áleýmettik kómek» avtomattandyrylǵan aqparattyq júıesi arqyly ıntegratsııalaý jumysy jalǵasyp jatyr.

1 shildeden bastap «memlekettik ataýly áleýmettik kómek jáne (nemese) turǵyn úı kómegin alatyn turmystyq tutynýshylar» sanatyna jatatyn tutynýshylar eldiń barlyq gazdandyrylǵan óńirinde tómendetilgen baǵamen gaz alý múmkindigine ıe bolady.

Gazdy tómendetilgen baǵamen alý úshin tutynýshy Egov.kz. portalyndaǵy AÁK jáne turǵyn úı kómegin alýshy retindegi óziniń mártebesine kóz jetkizýi qajet.


Seriktester jańalyqtary

Jańalyqtar

Úrdis

MURAǴAT