+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

AÁK tóleýdiń jańa zań jobasyn aı sońynda Parlamentke engizý júkteldi

2019 jylǵy 7 qazan 10:29
Bólisińiz:
AÁK tóleýdiń jańa zań jobasyn aı sońynda Parlamentke engizý júkteldi

NUR-SULTAN. QazAqparat – Úkimet basshysy Asqar Mamın ataýly áleýmettik kómekti tóleýdiń jańa tetikteri kózdelgen zań jobasyn qazan aıynyń sońyna deıin Parlamentke engizýdi tapsyrdy, dep habarlaıdy QazAqparat tilshisi.

«Búgin qaralyp otyrǵan máseleniń mańyzy óte joǵary. Biz halyqty áleýmettik qoldaý tásilderin jetildirýdemiz. Osy baǵytta úlken jumys atqarylǵan jáne bul másele Elbasy Nursultan Nazarbaevtyń erekshe baqylaýynda. Memleket basshysy Qasym-Jomart Toqaev atap ótkendeı, AÁK kórsetý tetigi ashyq ári ádiletti bolýy, adamdardy beıqamdyqqa emes eńbek etýge yntalandyrýy tıis. Búkil álemde azamattardy áleýmettik qoldaýdyń kez kelgen júıesi eń muqtaj adamdarǵa ǵana baǵyttalady. Ashyqtyq qaǵıdattarǵa sáıkes bolady jáne ońaı qol jetkizýge, eńbek etýge, jaramdy jastaǵy azamattardyń jumyspen qamtý sharalaryna qatysýyna negizdeledi», - dedi A.Mamın búgingi Úkimet otyrysynda.

Osy oraıda Premer-Mınıstr Eńbek jáne halyqty áleýmettik qorǵaý mınıstri Birjan Nurymbetov usynǵan tásilder jalpy qabyldanǵan standarttarǵa saı keletindigin aıtty. Usynylǵan jańa sharalardyń maǵynasyn halyqqa durys jetkizýdiń mańyzy óte zor ekendigine nazar aýdartty.

«Osyǵan oraı, birneshe tapsyrmalar bar. Eńbek jáne halyqty áleýmettik qorǵaý mınıstrligi ákimdiktermen birlesip, óńirlerde aýqymdy jáne sapaly túsindirý jumystaryn uıymdastyrsyn. Kómekke muqtaj adamdardyń barlyǵy memleket qamqorlyǵynda bolyp keldi jáne solaı bolatyndyǵyn azamattar bilýi tıis. Al jumys isteı alatyn adamdar úshin oqý, mamandyqtardy ıgerý, óz bıznesin ashý, jumysqa ornalasý úshin barlyq jaǵdaı jasalady. Qazan aıynyń sońyna deıin zańdarǵa engiziletin barlyq ózgerister toptamasyn daıyndap, Parlamentke engizýdi tapsyramyn», - dedi Asqar Mamın.

Eske salaıyq, QR Eńbek jáne halyqty áleýmettik qorǵaý mınıstri Birjan Nurymbetov búgin Úkimet otyrysynda ataýly áleýmettik kómekti berýdiń qoldanystaǵy júıesin ózgertetin zań jobasyn tanystyrdy. Basty baǵyt - eńbekke yntalandyrý, azamattardyń tabystaryn jáne memlekettik qoldaý mólsherin esepke alýǵa qatysty ashyqtyq pen ádilettikti qamtamasyz etý.

Jańa zań jobasynda kópbalaly otbasylarǵa memlekettik járdemaqyny tabysyna qaramastan tóleý usynylyp otyr. Ol balalardyń sanyna qaraı 42500 teńgeden 73 myń teńgege deıin saralanǵan mólsherde beriledi.

Sondaı-aq mınıstr ataýly áleýmettik kómek tóleýdiń jańa sharttaryn atady. Budan bólek, tabysy az otbasyndaǵy balalarǵa kepildi áleýmettik toptama engizilmek.

Málimetke sáıkes, tabysyn jasyrý arqyly AÁK-ti zańsyz alǵan 73 azamat memleketke 156 mln teńge qaıtardy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT