+7 (701) 759 90 19
USD 429.76 EUR 518.16
RUB 5.64 CNY 66.15
Jańalyqtar

95 jastaǵy ardager alty jylyn qan maıdanda ótkizip, úsh márte jaralanǵan

2020 jylǵy 9 mamyr 11:08
Bólisińiz:
95 jastaǵy ardager alty jylyn qan maıdanda ótkizip, úsh márte jaralanǵan

NUR-SULTAN. QazAqparat – Bıyl elimizde erekshe kún – Uly Jeńistiń 75 jyldyǵy atap ótiledi. Bul kúni Otan úshin otqa túsken batyrlardy eske alyp, soǵys ardagerlerin merekemen quttyqtaımyz. Meıram kúni qarsańynda Ekinshi dúnıejúzi soǵysynyń ardageri Jaqan Seısebaev surapyl soǵys jyldaryndaǵy estelikterin bólisti, dep habarlaıdy QazAqparat tilshisi.

Jaqan ata bıyl 95 jasqa toldy. Ol 1925 jyly 10 naýryz kúni Almaty oblysy, Kerbulaq aýdany, Satman aýylynda týǵan. 1942 jyly 17 jasynda Sovet armııasy qataryna qosylyp, 1943 jyly Belarýs jerin azat etý soǵysyna qatysqan.

«1942 jyly bizdi armııa qataryna aldy. Tórt aı boıy áskerı tehnıkany basqarýdy úıretti, ol kezde ártúrli artıllerııalyq qurylǵylar boldy. 1943 jyly 1 qańtarda belorýssııalyq frontqa tústim. Biz reaktıvti artıllerııanyń BM-13 «Katıýsha» mashınasyn qoldandyq. 1943 jyly 12 naýryzda oń jaq jelkem men basymnan jaraqat aldym. Osy oqıǵadan keıin meni Máskeýge gospıtalge alyp bardy», - deıdi soǵys ardageri.


Ol qazirgi jasyna qaramastan soǵys kezindegi oqıǵalardy egjeı-tegjeıli biledi jáne keshe bolǵandaı esine aldy.

«Bir kúni komandır «Daıyndalyńdar! Biz arqyly jaýdyń 60 tankisi ótedi. Tórt qarý men jaryqshaqty granata daıyndańdar. Olardy mańymyzǵa jýytpaýymyz kerek» dedi. Araqashyqtyǵymyz 5 shaqyrym bolǵan kezde komandır olarǵa «Katıýshamen» soqqy jasaý kerek ekenin aıtty. Tankter órtenip jatty. Bir tank qana keri shegindi, biraq ony bizdiń soldat kútip turyp, granata laqtyrdy. Osylaısha jaý tankileriniń bárin joıdyq. 60 tankini túski saǵat 12:00-de joıyp bitirdik», - deıdi aqsaqal.


Ol soǵys aıaqtalǵannan keıin japon soǵysyna qatysqan. 1947 jyly ony Vladıvostokqa jiberedi. Maıdanger úsh ret jaralanyp, ІІ top múgedegi bolyp qalǵan. Aqsaqal Jeńisti qalaı qarsy alǵanyn aıtyp berdi.

«Jeńisti Kenıgsbergte (Shyǵys Prýssııa) qarsy aldym. Tańǵy saǵat segizde bizdi sapqa turǵyzyp, soǵys aıaqtalǵanyn aıtty. Sóıtip 1948 jyly bizdi úıge jiberdi. Soǵysqa 17 jasymda ketken men 23 jasymda úıge oraldym. Soǵys aıaqtalǵanyn estigen kezde biz qýanyp, bir-birimizdi qushaqtap, jyladyq. Birneshe jyl qatarynan soǵys qasiretin kórdim: sýyq ta, ystyq ta, qar da, muz da, boran da boldy. Sý bolmaǵan kezde laı sýdy ishýge týra kelgen kezder boldy», - deıdi Jaqan ata.


Ol suhbat sońynda qazaqstandyqtardy Jeńis kúnimen quttyqtady.

«Endi qaıtyp soǵys bolmaýyn tileımin. Aspanymyz ashyq bolsyn, birlik, beıbitshilik tileımin. Nemere, shóberelerimiz baqytty ǵumyr keshsin», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT