Jańalyqtar  >

900-den astam kıik múıizin satpaq bolǵan Aqtóbe turǵyny bes jylǵa sottalýy múmkin

2022 jylǵy 29 qyrkúıek, 10:14
900-den astam kıik múıizin satpaq bolǵan Aqtóbe turǵyny bes jylǵa sottalýy múmkin

AQTÓBE. QazAqparat - Aqtóbe oblysynyń polıtseıleri 900-den astam kıik múıizin tárkiledi, dep habarlaıdy Polisia.kz.

Aqtóbe oblysy PD Uıymdasqan qylmysqa qarsy kúres basqarmasynyń qyzmetkerleri UQKD qyzmetkerlerimen birlesip Samara – Shymkent tasjolynda 41 jastaǵy júrgizýshi tizgindegen Vaz-2110 kóligin toqtatty.

Jolaýshylar otyratyn orynnyń janynda 61 jastaǵy er adam bolǵan. Polıtseıler kóliktiń júksalǵyshynan aqbóken múıizi bar 7 qorapty tapty.

Jolaýshy qoraptardyń ózine tıesili ekenin jáne múıizderdi satqysy kelgenin túsindirdi.

Qoraptarda 765 dana kıik múıizi boldy. Sonymen qatar, er adamnyń turǵylyqty jerinen taǵy 184 kıik múıizi tárkilendi.

Barlyǵy 949 dana kıik múıizi alyndy. Atalǵan fakti boıynsha QR QK-niń 339-babynyń 1-bóligi boıynsha sotqa deıingi tergeý bastaldy.

Osy baptyń sanktsııasy múlki tárkilenip, úsh jyldan bes jylǵa deıingi merzimge bas bostandyǵyn shekteý nemese sol merzimge bas bostandyǵynan aıyrý túrindegi jazany kózdeıdi.

Foto: polisia.kz




Tegı:
Seriktester jańalyqtary

Jańalyqtar

https://www.inform.kz/qz/900-den-astam-kiik-muyizin-satpak-bolgan-aktobe-turgyny-bes-zhylga-sottaluy-mumkin_a3984674
https://www.inform.kz/qz/900-den-astam-kiik-muyizin-satpak-bolgan-aktobe-turgyny-bes-zhylga-sottaluy-mumkin_a3984674