+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

9 jeltoqsan. QazAqparat kúntizbesi

2019 jylǵy 9 jeltoqsan 07:00
Bólisińiz:
9 jeltoqsan. QazAqparat kúntizbesi

NUR-SULTAN. QazAqparat - QazAqparat oqyrmandaryna 2019 jylǵy 9 jeltoqsanǵa arnalǵan kúntizbesin usynady.

ATAÝLY KÚNDER

Halyqaralyq jemqorlyqpen kúres kúni

Birikken Ulttar Uıymynyń bastamasymen atap ótiledi. 2003 jyly dál osy kúni Meksıkanyń Merıda qalasynda ótken joǵary deńgeıdegi saıası konferentsııada 2003 jyly 1 qarashada Bas Assambleıa qabyldaǵan BUU-nyń Jemqorlyqqa qarsy Konventsııasy qol qoıý úshin ashyldy. Qujat boıynsha oǵan qol qoıǵan memleketter para, bıýdjettik qarajat pen jemqorlyq tabystardy kádege jaratý qylmys dep jarııalaýǵa mindetteledi. Konventsııa barlyq qurylymdary ulttyq ál-aýqatqa zııan keltiretin jemqorlyq jaılaǵan elder úshin óte mańyzdy.

Halyqaralyq genotsıd qurbandaryn eske alý, olardyń ar-namysyna qurmet kórsetý jáne osy qylmystyń aldyn alý kúni

2015 jyldyń qyrkúıeginde BUU Bas Assambleıasy Armenııanyń bastamasy boıynsha 9 jeltoqsandy Halyqaralyq genotsıd qurbandaryn eske alý, olardyń ar-namysyna qurmet kórsetý jáne osy qylmystyń aldyn alý kúni dep belgiledi. 1948 jyly 9 jeltoqsanda Bas Assambleıanyń Genotsıd qylmysynyń aldyn alý jáne ony jazalaý týraly konventsııasy qabyldanǵandyqtan osy kún tańdalyp alyndy.

ESTE QALAR OQIǴALAR

1991 jyly Qazaq KSR Mınıstrler Kabınetiniń qaýlysymen Qazaqstannyń A.Pýshkın atyndaǵy memlekettik kitaphanasy Qazaqstan Respýblıkasynyń Ulttyq kitaphanasy bolyp ózgerdi.

1996 jyly Elbasy Jarlyǵymen Jeltoqsan kóterilisine qatysyp, qurban bolǵan bozdaq Qaırat Rysqulbekovke «Halyq Qaharmany» ataǵy berildi.

1997 jyly Tegeranda ıslam áleminiń ekologııalyq apattardan zardap shekken aımaqtaryna: Aral teńiziniń basseıni men Semeı ıadrolyq polıgon aımaǵyna kómek kórsetý týraly Qarar qabyldandy.

2008 jyly Qaraǵandyda uly Abaıǵa arnalǵan eskertkish ashyldy. Eskertkish avtory - músinshi Asqar Nartov. Bıiktigi bes metrlik músin Qaraǵandy oblysynyń kórkemdik-óndiristik kombınatynda quıylǵan.

2009 jyly Almatyda belgili kınooperator, halyq ártisi, kınematografıster odaǵynyń múshesi Eskendir Tynyshbaevtyń 100 jyldyǵyna arnalǵan poshtalyq markasy shyǵaryldy.

Eskendir Tynyshbaev (1909-1995) – qazaqtan shyqqan tuńǵysh kásibı kınooperator. Ol túsirgen astam derekti jáne ǵylymı-kópshilik fılmder Qazaqstannyń kıno óndirisiniń altyn qoryna enip, operatorlyq óner boıynsha oqý quralyna aınaldy.

2010 jyly Keden odaǵy Joǵary organynyń otyrysynda Qazaqstan Respýblıkasynyń Prezıdenti Nursultan Nazarbaev, Belarýs Respýblıkasy Prezıdenti Aleksandr Lýkashenko, Reseı Federatsııasynyń Prezıdenti - Dmıtrıı Medvedev «Biryńǵaı ekonomıkalyq keńistik qurý týraly» deklaratsııaǵa qol qoıdy.

2011 jyly Polsha Respýblıkasynda «Polsha poshtasy» ulttyq kompanııasy Qazaqstan táýelsizdiginiń 20 jyldyǵyna oraı arnaýly poshta markalaryn shyǵardy.

Elimiz aýmaǵynyń kontýry túsirilip, qazaqtyń ulttyq oıýymen bezendirilgen markanyń betine «Qazaqstannyń táýelsizdigine 20 jyl» dep jazyldy. Mereıtoılyq marka 500 myń danamen shyǵaryldy, nomınaly 2,40 zlotyh boldy.

2013 jyly QR Prezıdenti N. Nazarbaev otbasy men nekeniń adamgershilik qundylyqtaryn, oń áserin nasıhattaý, otbasynyń qoǵamdaǵy mártebesin arttyrý maqsatynda jyl saıyn «Mereıli otbasy» ulttyq baıqaýyn ótkizý týraly ókimge qol qoıdy.

2016 jyly Óskemen qalasyndaǵy «Nazarbaev Zııatkerlik mektebiniń» oqytýshysy Marat Nurızınov Italııada álemniń túrli elderinen jınalǵan belgili ǵalymdardan quralǵan komıssııanyń aldynda doktorlyq dıssertatsııasyn qorǵady. Onyń ǵylymı eńbegin Rım qalasyndaǵy Italııa Ulttyq kitaphanasynan oqýǵa bolady.

2016 jyly Qazaqstandaǵy úsh ulttyq teatrǵa - koreı, nemis jáne uıǵyr teatrlaryna elimizdiń akademııalyq teatrlary mártebesin berý jóninde sheshim qabyldandy.

2016 jyly Aqtaýda Qazaqstan Áskerı-teńiz kúshteriniń kemelerine arnalǵan alǵashqy áskerı pırs ashyldy.

2018 jyly «Mádenıetti damytýǵa qosqan súbeli úlesi jáne óz isine adaldyǵy úshin» Qazaqstannyń halyq ártisi Roza Rymbaeva Reseıdiń «Ulttyq aıbyn» syılyǵymen marapattaldy. Saltanatty marapattaý rásimi Máskeýdiń Kreml Memlekettik saraıynda ótken.

«Ulttyq aıbyn» («Natsıonalnoe velıchıe») syılyǵy táýelsiz qoǵamdyq syılyq bolyp tabylady. Ol reseılik jáne sheteldik qaıratkerlerdi yntalandyrý maqsatynda beriledi. Sonymen qatar bul marapat memleket jáne qoǵam qaıratkerlerine, mádeneıet jáne óner ókilderine taǵaıyndalady.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT