+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

9 sáýir. Týǵan kún ıeleri

2020 jylǵy 9 sáýir 08:10
Bólisińiz:
9 sáýir. Týǵan kún ıeleri

NUR-SULTAN. QazAqparat - Búgin, ıaǵnı 9 sáýirde tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

62 jyl buryn (1958) Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynyń rektory Erǵalı Serikbaıuly MERZADINOV dúnıege keldi. Shymkent oblysy Kırov aýdanynyń Abaı aýylynda týǵan.

1975-1977 jyldar aralyǵynda Kırov aýdanynyń sharap zaýytynda jumysshy bolyp eńbek etken. 1977 jyly Qaraǵandy memlekettik ýnıversıtetiniń zań fakýltetine 1-kýrsqa qabyldanyp, 1978 jyldan Qazaq memlekettik ýnıversıtetiniń zań fakýltetinde oqýyn jalǵastyrdy. Atalǵan ýnıversıtetti 1982 jyly úzdik aıaqtaǵannan keıin Almaty qalasynyń Kalının aýdandyq prokýratýrasynda prokýrordyń kómekshisi, aǵa tergeýshi bolyp qyzmet atqardy. 1986 jyldan bastap Qazaq KSR prokýratýrasynda tergeý basqarmasynyń prokýrory, asa qaýipti qylmystardy tergeý bólimi bastyǵynyń orynbasary, keıinnen Qazaq kólik prokýratýrasynyń tergeý, anyqtaýdy qadaǵalaý bóliminiń bastyǵy, Sovet aýdanynyń prokýrory, Almaty qalasy prokýrorynyń birinshi orynbasary laýazymdarynda boldy. 1996 jyldyń naýryzy men 2002 jyldyń aqpan aıy aralyǵynda Soltústik Qazaqstan oblysy, Almaty qalasy jáne Qaraǵandy oblysynyń prokýrory qyzmetin atqardy. 2002 jyldyń aqpanynda Qazaqstan Respýblıkasynyń ishki ister vıtse-mınıstri bolyp taǵaıyndaldy. 2004 jyldyń mamyrynan 2005 jyldyń maýsymyna deıin Astana qalasynyń prokýrory laýazymynda bolǵan. Qazaqstan Respýblıkasy Bas prokýrorynyń orynbasary (2005-2009); Qazaqstan Respýlıkasynyń Bas áskerı prokýrory (2009-2018).

Qazirgi laýazymyn atqarýǵa 2018 jyldyń shildesinde kirisken.

ІІ dárejeli «Dańq» ordenimen marapattalǵan. Sondaı-aq «Qazaqstan Respýblıkasynyń Qarýly Kúshterine 10 jyl», «Qazaqstan Konstıtýtsııasyna 10 jyl», Qazaqstan Respýblıkasynyń Parlamentine 10 jyl», «Ulttyq qaýipsizdikti qamtamasyz etýdegi úlesi úshin», «Astananyń 10 jyldyǵy», «KSRO Qarýly kúshterine 90 jyl» mereıtoılyq medaldarymen, II dárejeli «Qaısar» tósbelgisimen marapattalǵan.

52 jyl buryn (1968) Qazaqstan Respýblıkasy ishki ister mınıstriniń orynbasary Ilın ıÝrıı Vıktorovıch dúnıege keldi.

Kýıbyshev qalasynda (RF) týǵan. Bilimi joǵary, 1989 jyly I.S. Konev atyndaǵy Almaty joǵary jalpy áskerı komandalyq ýchılıesin, 2006 jyly Qyrǵyz memlekettik zań akademııasyn bitirdi.

Eńbek joly: 1985 jyldyń tamyz aıynan bastap I.S. Konev atyndaǵy Almaty joǵary jalpy áskerı komandalyq ýchılıesiniń kýrsanty; 1989 jyldyń tamyz aıynan bastap Máskeý áskerı okrýgi 2-shi gvardııalyq motoatqyshtar dıvızııasynyń73-shi gvardııalyq motoatqyshtar polki motoatqyshtar vzvodynyń komandıri; 1990 jyldyń maýsym aıynan bastap Máskeý áskerı okrýgi 2-shi gvardııalyq motoatqyshtar dıvızııasynyń 1-shi gvardııalyq motoatqyshtar polki motoatqyshtar vzvodynyń komandıri; 1992 jyldyń shilde aıynan bastap Ýkraınanyń Sýmsk oblysy Azamattyq qorǵaý 390-kýrstarynyń oqytýshysy; 1993 jyldyń shilde aıynan bastap Ýkraınanyń Sýmsk oblysy Azamattyq qorǵaý 390-kýrstary bastyǵynyń orynbasary; 1996 jyldyń tamyz aıynan bastap Almaty qalalyq Tótenshe jaǵdaılar basqarmasy oqytý daıarlaý ortalyǵynyń aǵa ofıtseri; 1998 jyldyń maýsym aıynan bastap Almaty qalalyq Tótenshe jaǵdaılar basqarmasynyń bólim bastyǵy; 1999 jyldyń maýsym aıynan bastap Almaty qalalyq Tótenshe jaǵdaılar basqarma bastyǵynyń orynbasary; 2005 jyldyń naýryz aıynan bastap Almaty qalasy Tótenshe jaǵdaılar departamenti bastyǵynyń orynbasary; 2011 jyldyń jeltoqsan aıynan bastap Almaty qalalyq Jumyldyrý daıyndyǵy, azamattyq qorǵanys, avarııalar men dúleı zilzalalardyń aldyn alýdy jáne olardy joıýdy uıymdastyrý basqarma bastyǵynyń mindetin atqarýshy; 2012 jyldyń qańtar aıynan bastap Almaty qalalyq Jumyldyrý daıyndyǵy, azamattyq qorǵanys, avarııalar men dúleı zilzalalardyń aldyn alýdy jáne olardy joıýdy uıymdastyrý basqarmasynyń bastyǵy; 2013 jyldyń naýryz aıynan bastap Almaty qalasy ákiminiń orynbasary; 2015 jyldyń qazan aıynan bastap Qazaqstan Respýblıkasy Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory;

Qazirgi qyzmetinde 2016 jyldyń sáýir aıynan. «Qurmet» ordenimen (2013 jyly), 8 mereıtoı medalimen marapattalǵan.


49 jyl buryn (1971) «KAZENERGY» Qazaqstan munaı-gaz jáne energetıka kesheni uıymdarynyń qaýymdastyǵy» zańdy tulǵalar birlestiginiń bas dırektory Bolat Oraluly AQShOLAQOV dúnıege keldi.

Atyraý qalasynda týǵan. 1993 jyly Qazaq memlekettik basqarý akademııasy, esep pen ekonomıkalyq kıbernetıka fakýltetin «ekonomıst» mamandyǵy boıynsha, 1998 jyly Munaı jáne gaz óndirisi bilim ortalyǵyn «Jer qoınaýyn paıdalanýǵa kelisimsharttardy baǵalaý» jáne «Munaı óndirý ekonomıkasy» mamandyǵy boıynsha támamdaǵan.

Eńbek ótili: Alem Bank Kazakhstan - ekonomıst, bas ekonomıst (1994-1995); (1995-1997); Ortalyq Azııa yntymaqtastyq jáne damý banki bólim bastyǵy, departament dırektory (1997-2001); «Qazaqoıl» UMGK» JAQ aǵa sarapshy, menedjer, bas menedjer, departament dırektorynyń orynbasary; (2001-2003); Commonwealth and British Services Ltd. bıznes-taldaýshy, menedjer, qarjy dırektory (2003-2006); «Qazmunaıgaz» UMK» JAQ QB úlesterin basqarý jónindegi atqarýshy dırektor, Qazaqstan Respýblıkasy Energetıka jáne mıneraldyq resýrstar vıtse-mınıstri (2006-2008); «Samuryq-Qazyna» Ulttyq ál-aýqat qory» AQ-nyń elektr energetıka jáne munaı-gaz aktıvteri máseleleri jónindegi basqarýshy dırektory (2009-2010); «PSA» JShS bas dırektory (07.2010-10.2011); «QazMunaıGaz» Ulttyq kompanııa» AQ prezıdenti (10.2011-12.2011); Munaı jáne gaz vıtse-mınıstri (2012-2014); «Almex Petrochemical» JShS bas dırektory (2014-2016); «KAZENERGY» Qazaqstan munaı-gaz jáne energetıka kesheni uıymdarynyń qaýymdastyǵy» zańdy tulǵalar birlestiginiń bas dırektory (2016-2017). Qazaqstan Respýblıkasy Energetıka vıtse-mınıstri (2017-2019).

Qazirgi qyzmetinde - 2019 jyldyń sáýirinen.

41 jyl buryn (1979) Petropavl garnızonynyń áskerı prokýrory – Aıdos Qaıratuly Rysqulov dúnıege keldi.

Qaraǵandy oblysynda týǵan. E.A.Bóketov atyndaǵy Qaraǵandy memlekettik ýnıversıtetin támamdaǵan, mamandyǵy – quqyqtaný jáne qarjy.

Eńbek joly: Qarýly kúshterde jedel qyzmetten ótkennen keıin, 2002 jyldan bastap eseptik-tirkeý tártip bas mamanynan Ortalyq aýdannyń bas áskerı prokýrorynyń kómekshisi, áskerı prokýror jáne bas áskerı prokýratýra basqarmasynyń bas áskerı prokýrory qyzmetterin atqaryp, Ońtústik aımaqtyq áskerı prokýrorynyń orynbasaryna deıin kóterilgen.

Qazirgi qyzmetinde 2018 jyldyń maýsym aıynan.

40 jyl buryn (1980) Qazaqstan Respýblıkasy Densaýlyq saqtaý mınıstrliginiń jaýapty hatshysy Jaqselekova Botagóz Shaımardanqyzy dúnıege keldi.

Qostanaı oblysy Arqalyq qalasynda týǵan. 2001 jyly A. Baıtursynov atyndaǵy Qostanaı memlekettik ýnıversıtetin bitirgen, zańger-quqyqtanýshy. 2012 jyly ExeterUniversity (Ulybrıtanııa) ýnıversıtetin támamdaǵan, MPA (Master of Public Administration) dárejesiniń ıegeri, memlekettik basqarý. 2006, 2008,2009 jyldary memlekettik basqarý jáne saıasat máseleleri jónindegi qysqa merzimdik taǵylymdamadan ótken: ENA (Frantsııa, 2006), DukeUniversity (AQSh, 2008), LSE (Ulybrıtanııa, 2009).
Eńbek joly: 2001-2003 jj. - maman, kadrlyq jumys basqarmasynyń jetekshi mamany, bas maman, bólim basshysy, basqarma basshysy, zańnama depatamenti dırektorynyń orynbasary, memlekettiń múliktik quqyqtaryn qorǵaý departameniniń bas sarapshysy, QR Ádilet mınıstrligi kadrlyq qyzmet departamenti dırektorynyń orynbasary. 2013-2015 jj. - QR Ádilet mınıstrligi kadrlyq qyzmet departamenti dırektorynyń orynbasary, respýblıkalyq bıýdjettiń atqarylýyn baqylaý esep komıtetinde meńgerýshiniń orynbasary. 2015-2016 jj. - «SK-Farmatsııa» JShS strategııalyq damý bóliminiń bastyǵy. 2016-2017 jj. - «SK-Farmatsııa» JShS basqarýshy dırektory. 2017 j. - Qazaqstan Respýblıkasy Densaýlyq saqtaý mınıstrliginiń Medıtsınalyq qyzmetke aqy tóleý komıteti tóraǵasy. 2018-2019 jj. - «Áleýmettik medıtsınalyq saqtandyrý qory» KAQ tóraǵasy mindetin oryndaýshy. 2019 jyldyń naýryzynan bastap - «Áleýmettik medıtsınalyq saqtandyrý qory» KAQ basqarma tóraǵasynyń orynbasary.

Qazirgi qyzmetinde - 2019 jyldyń qyrkúıek aıynan.

39 jyl buryn (1981) Atyraý oblysy ákiminiń orynbasary Baqytgúl Qaıyrjanqyzy HAMENOVA dúnıege kelgen.

Atyraý qalasynda týǵan. H. Dosmuhamedov atyndaǵy Atyraý memlekettik ýnıversıtetin «qazaq tili jáne ádebıeti» mamandyǵy boıynsha, ál-Farabı atyndaǵy Qazaq ulttyq ýnıversıtetiniń aspırantýrasyn, Atyraý munaı jáne gaz ınstıtýtyn «munaı jáne gaz ınjeneri» mamandyǵy boıynsha, M. Ótemisov atyndaǵy Batys Qazaqstan memlekettik ýnıversıtetin «ekonomıka jáne bıznes» mamandyǵy boıynsha támamdaǵan. Fılologııa ǵylymdarynyń kandıdaty.

1999-2001 jyldary Atyraý oblystyq teleradıo-aqparattyq kompanııasynyń dıktory, redaktory. 2001-2004 jyldary Atyraý munaı jáne gaz ınstıtýtynyń qazaq jáne orys tilderi kafedrasynyń oqytýshysy, H. Dosmuhamedov atyndaǵy Atyraý memlekettik ýnıversıtetiniń elıtarlyq mektebi dırektorynyń tárbıe jumysy jónindegi orynbasary. 2004-2005 jyldary «Rahat TV» Atyraý teleradıo habarlaryn taratý fılıaly qazaq redaktsııasynyń korrespondenti. 2005-2016 jyldary Atyraý Kaspıı óńiriniń qazirgi zamandaǵy kolledjiniń dırektory, 2016-2020 jyldary VI shaqyrylymdaǵy Qazaqstan Respýblıkasy Parlamenti Májilisiniń depýtaty, Ekologııa máseleleri jáne tabıǵat paıdalaný komıtetiniń múshesi bolǵan.

Qazirgi qyzmetinde - 2020 jyldyń naýryzynan.


27 jyl buryn (1993) júzýden Azııa paralımpıada oıyndarynyń bes dúrkin chempıony Ánýar Erlanuly AHMETOV dúnıege keldi.

Aqmola qalasynda týǵan. 2011 jyly L.N.Gýmılev atyndaǵy Eýrazııa ulttyq ýnıversıtetin dene shynyqtyrý jáne sport mamandyǵy boıynsha támamdaǵan.

2009-2012 jyldary Múgedek-sportshylar arasynda júzýden QR chempıonattarynyń júldegeri jáne chempıony, 2010 jyly Gýanchjoý (Qytaı) Azııa paralımpıada oıyndarynyń qatysýshysy, 2014 jyly júzýden Azııa paralımpıada oıyndarynyń bes dúrkin chempıony. 2012 jyly Ulybrıtanııadaǵy ashyq chempıonatta kúmis, eki qola medal ıelengen, 2015 jyly «Dene shynyqtyrý, sport jáne týrızmdi damytýǵa qosqan úlesi úshin» qurmet belgisimen marapattalǵan.


Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT