Jańalyqtar  >
  Qoǵam

9 óńirde aýa raıyna baılanysty eskertý jarııalandy

2022 jylǵy 26 qyrkúıek, 19:34
9 óńirde aýa raıyna baılanysty eskertý jarııalandy

ASTANA. QazAqparat – Qazgıdromet 27 qyrkúıekte birneshe óńirde aýa raıyna baılanysty eskertý jarııalady, dep habarlaıdy QazAqparat.

Astana qalasynda 27 qyrkúıekte batystan, soltústik-batystan jel soǵady, kúndiz ekpini 15-20 m/s jetedi.

Shyǵys Qazaqstan oblysynyń soltústik-shyǵysynda qatty jańbyr kútiledi. Kúndiz oblystyń ortalyǵynda, shyǵysynda, ońtústiginde naızaǵaı kútiledi. Jel batystan, soltústik-batystan soǵady, oblystyń soltústiginde, ońtústiginde, shyǵysynda kúshi 15-20, kúndiz ekpini 25 m/s.

Aqmola oblysynyń soltústiginde, shyǵysynda jaýyn-shashyn (jańbyrdyń sońy qarǵa ulasady) kútiledi. Aýa temperatýrasynyń túnde 0-5 gradýs jyly, oblystyń soltústiginde mınýs 5 gradýs aıazǵa deıin tómendeıdi.

Aqtóbe oblysynda batystan, solústik-batystan jel soǵady, oblystyń soltústik-shyǵysynda ekpini 16 m/s kútiledi.

Qyzylorda oblysynda tótenshe órt qaýpi saqtalady.

Túrkistan oblysynyń taýly aýdandarynda soltústik-batystan jel soǵady, kúshi 15-20 m/s jetedi.

Qostanaı oblysynyń soltústiginde tuman túsedi.

Pavlodar oblysyńyń batysynda tuman kútiledi. Batystan jel soǵady, kúndiz oblystyń batysynda, ońtústiginde 15-20 m/s.

Soltústik Qazaqstan oblysynyń basym bóliginde jaýyn-shashyn (jańbyrdyń sońy qarǵa ulasady) kútiledi. Soltústik-shyǵystan jel soǵady, oblystyń soltústiginde, batysynda, shyǵysynda kúshi 15-20 m/s, túnde ekpini 23 m/s jetedi.


Tegı:
Uqsas jańalyqtar
Seriktester jańalyqtary

Jańalyqtar