+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

9 kólik zaqymdalyp, oq atyldy: Astanada kólik urysy qalaı ustaldy

2021 jylǵy 25 qyrkúıek 22:08
Bólisińiz:
9 kólik zaqymdalyp, oq atyldy: Astanada kólik urysy qalaı ustaldy

NUR-SULTAN. QazAqparat – Nur-Sultan qalasynda kólik urysyn ustaý barysynda 9 mashına zaqymdalyp, polıtseıler kúdiktige qarsy oq atýǵa májbúr bolǵan, dep habarlaıdy QazAqparat tilshisi.

Uqsas jańalyqtar
Aqtóbede jeńil kólik kópirge keptetilip qaldy Oralda 2 kólik soqtyǵysyp, eki adam jaraqat aldy Baǵanǵa, úıdiń qorshaýyna soǵyldy: Almatyda avtokólik 1 adamdy mert qyldy

Buǵan deıin habarlaǵanymyzdaı, Qaraǵandy oblysynyń Jańaarqa aýdanynda Mitsubishi markaly kólik urlandy. Kólik búgin elorda aýmaǵynda baıqalǵan. Kólik urysy izinen qýǵan polıtsııa qyzmetkerleriniń zańdy talaptaryna baǵynbaı, jol júrisi erejelerin óreskel buzdy. Saldarynan polıtsııa qyzmetkeri zardap shekti.

Nur-Sultan qalalyq Polıtsııa departamentiniń resmı ókili Danııar Oral málim etkendeı, polıtseıge qajetti kómek kórsetildi. Onyń ómirine qaýip joq.

«Jol júrisi qatysýshylaryna tóngen qaýipke tosqaýyl bolý maqsatynda, júrgizýshiniń toqtaý týraly talaptardy elegisi kelmegendigi eskerilip, polıtseıler barlyq qaýipsizdik talaptaryn saqtaı otyryp tabeldik qarýdy paıdalanýǵa májbúr boldy. Qashyp qutylmaq bolǵan ury bordıýralardan sekirip, qarsy bettegi jolǵa shyǵa otyryp, jol boıynda turǵan birneshe kólikti zaqymdaǵannan keıin eskertý retinde aýaǵa, odan keıin avtokólik dóńgelegine oq atyldy. Osylaısha, kólik toqtatyldy», - dedi Danııar Oral.

Quqyq buzýshynyń áreketi saldarynan 9 kólik zaqymdaldy. Polıtsııa departamentinde naqtylaǵandaı, kólik ıeleri men keltirilgen materıaldyq shyǵyn anyqtalýda.

22 jastaǵy kúdikti ustalyp, ýaqytsha ustaý abaqtysyna jetkizildi.




Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT