+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

835 kásiporyn jumysshylaryna 2,6 mlrd teńgeden astam jalaqyny tólemegen

2020 jylǵy 18 qyrkúıek 15:35
Bólisińiz:
835 kásiporyn jumysshylaryna 2,6 mlrd teńgeden astam jalaqyny tólemegen

NUR-SULTAN. QazAqparat - Eńbek jáne halyqty áleýmettik qorǵaý mınıstri Birjan Nurymbetov 2020 jyly jumyskerlerdiń eńbek quqyǵyn buzýǵa jol bermeý baǵytynda júrgizilip jatqan jumystan habardar etti. Bul jóninde vedomstvonyń baspasóz qyzmetine silteme jasap QazAqparat habarlaıdy.

QR Premer-mınıstriniń orynbasary Eraly Toǵjanovtyń tóraǵalyq etýimen beınekonferentsııa rejıminde ótken áleýmettik áriptestik jáne áleýmettik-eńbek qatynastaryn retteý jónindegi respýblıkalyq úshjaqty komıssııanyń otyrysynda, QR Eńbek jáne halyqty áleýmettik qorǵaý mınıstri Birjan Nurymbetov áleýmettik shıelenisterdiń aldyn alý jáne áleýmettik-eńbek janjaldaryn sheshý jónindegi keshendi jospardy iske asyrý barysy týraly aıtty.

Sharaǵa múddeli ortalyq memlekettik organdardyń ókilderi, oblystar men respýblıkalyq mańyzy bar qalalar ákimderiniń orynbasarlary, kásipodaq uıymdarynyń jáne jumys berýshiler birlestikteriniń ókilderi qatysty.

Óz sóziniń basynda Birjan Nurymbetov koronavırýs pandemııasy saldarynan elimizde qalyptasqan ahýaldy eskere otyryp, memlekettik eńbek ınspektorlary men kásipodaqtardyń jumysynda azamattardyń eńbek quqyǵyn qorǵaý máselesine erekshe mán berilýi kerektigin atap ótti.

Mınıstr jalaqy bereshegin jabý máselesi erekshe baqylaýda ekenin basa aıtty. Aǵymdaǵy jyly eńbek ınspektorlary eldiń 835 kásipornynda 2,6 mıllıard teńgeden astam bereshekti anyqtady. Qabyldanǵan sharalar nátıjesinde 24,5 myńnan astam jumyskerdiń quqyǵy qorǵalyp, olarǵa 2,55 mlrd teńge tólendi.

«Búgingi tańda jalpy bereshek 915 mln teńgeni quraıdy jáne jyl basynan beri ol 35,5%-ǵa nemese 505 mln teńgege azaıǵan. Eń kóp bereshek Almaty, Qostanaı jáne Túrkistan oblystaryna keledi. Bereshekke jol bergen kásiporyndardyń basshylaryna 492 nusqama shyǵarylyp, 68,5 mln teńge mólsherinde aıyppul salyndy jáne 6 kásiporynnyń basshylaryna qatysty jalaqyny birneshe ret keshiktirgeni úshin qylmystyq is qozǵaldy», - deıdi QR Eńbek jáne halyqty áleýmettik qorǵaý mınıstrliginiń basshysy.

Birjan Nurymbetov sondaı-aq jalaqy bereshegin tóleý tıimdiligin arttyrý maqsatynda Eńbek kodeksine jumys berýshiniń jalaqy tóleýi týraly jańa nusqama engizilgenine, ol atqarýshylyq qujattyń kúshine ıe ekenine nazar aýdardy.

«Bul shara jalaqy boıynsha bereshek bolǵan kezde shottar men múlikke qamaý qoıý, basqa jerge ketýdi shekteý sııaqty tıimdi sharalardy qabyldaýǵa múmkindik beredi», - dep túsindirdi ol.

Mınıstr naýryz-sáýir aılarynda karantındik sharalardyń engizilýine baılanysty 4,2 mıllıon qazaqstandyq ýaqytsha jumyssyz qalǵanyn eske saldy. Karantındik sharalardyń jumsartylýyna baılanysty kásiporyndar óz qyzmetin birtindep qalpyna keltirip jatyr. Aǵymdaǵy jyldyń 2-toqsanynyń qorytyndysy boıynsha ekonomıkada jumys isteıtin azamattardyń sany 8,7 mln ​​adamdy, jumyssyzdyq deńgeıi 5%-dy qurady.

«Jumys oryndaryn saqtaý maqsatynda ákimdikter, kásipodaqtar men kásiporyndardyń basshylyǵy arasynda ózara túsinistik týraly memorandýmdar jasasý boıynsha jumystar júrgizilýde. Búgingi tańda respýblıkada 137,6 myń memorandýmǵa qol qoıyldy. Osy jumystyń nátıjesinde 2,3 mıllıonnan astam jumys ornyn saqtap qalý josparlanyp otyr», - dedi Nurymbetov.

Eńbekmıni basshysy eńbek janjaldarynyń aldyn alýdyń mańyzdy quraldarynyń biri - ujymdyq sharttar ekenin, olar arqyly jumys berýshi men jumysshylar arasyndaǵy qatynastardy retteýge bolatynyn basa aıtty.

«Búgingi kúni ujymdyq sharttar iri jáne orta kásipkerliktiń 96%-yn qamtyǵanyna qaramastan, eńbek janjaldarynyń oryn alýy qoldanystaǵy ujymdyq sharttardyń sapasy men mazmunynyń tómendigin kórsetedi. Munda kásipodaqtar belsendi bolýy kerek», - dep túıindedi sózin Birjan Nurymbetov.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT