+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

800 myń kıikti óltirip, múıizin Qytaıǵa ótkizip kelgen qylmystyq top ustaldy - UQK

2021 jylǵy 13 shilde 10:18
Bólisińiz:
800 myń kıikti óltirip, múıizin Qytaıǵa ótkizip kelgen qylmystyq top ustaldy - UQK

NUR-SULTAN. QazAqparat - Ulttyq qaýipsizdik komıteti Qytaıǵa kıik múıizin zańsyz ótkizýmen aınalysqan qylmystyq topty ustady, dep habarlaıdy QazAqparat vedomstvonyń resmı saıtyna silteme jasap.

8 shildede UQK Almaty oblysy boıynsha departamenti shekara qyzmetiniń Almaty oblysy boıynsha departamentimen birlesip, kıik múıizin zańsyz óndirý jáne Qazaqstannan Qytaıǵa kontrabanda arnasyn uıymdastyrýǵa qatysy bar qylmystyq toptyń zańsyz áreketiniń jolyn kesý boıynsha arnaıy operatsııa júrgizdi.

Derıvattardyń iri partııasyn shetelge shyǵarýdy uıymdastyrmaqshy bolǵan qylmystyq shemanyń uıymdastyrýshysy men qatysýshylary ustaldy.

Jalpy salmaǵy 700 kılogramm bolatyn 3144 kıik múıizi tárkilendi.

Brakonerlik áreketten Qazaqstandaǵy kıik popýlıatsııasyna aıtarlyqtaı zııan kelgen.

Qazirgi ýaqytta onyń sany - shamamen 800 myń bas.


QR QK 339-babynyń 2-bóligi («kıikti zańsyz qolǵa túsirý, joıý, sol sııaqty zańsyz qolǵa túsirilgen kıikti nemese onyń derıvattaryn, onyń ishinde múıizderin ıemdený, saqtaý, ótkizý, ákelý, áketý, jóneltý, tasymaldaý») boıynsha sotqa deıingi tergeý júrip jatyr.

Onyń sheńberinde qylmystyń ózge de qatysýshylaryn anyqtaý, fıgýranttarda kıik múıizderiniń qosymsha partııalarynyń bar bolýy boıynsha tergeý jáne jedel is-sharalar kesheni jasalady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT